Pul Natna Covid 19
- Biak S Tawmbing.

Huihkhi hong lang simlei tung ah bang huih khi hiam aw,
Na gim nam e buaina lung ngaihna;
Hizong Toupa’n kei hong ompih bang di’n ka lau dia?
Buaina lel in khapham leng zong Toupa’n hong pi ding.

Covid natna chik chiang vaibang theng ding na hiam? Khawvel pumpi in a buaipih covid natna in ei singtang nam tawmchik lah leng nou zaw na tawm lua ua kong tung dah dia kon pel mai d aw leng hon chi tuanlou in, ei lak leng hongtung hi.

I Lamka khopi uh a neuneu mai zen tawh hiai natna hik lah leng zak ta maw. Bang chi ki ven ding pawt louh kilawh a kuan louh lah hitheilou a maw.. A leh lam khat ah i ngaihtuah chiang in i pawt hat theihtheih mai zen uh tawh Pathian hon om pihna kitang lailai.,. Toupa ei din hoih hina e...

Hiai hileng in mi tengteng a din haksatna tun vel hi. Bang a ki chi kha dia aw chia ki veng den kawm a naa sep teitei ngai... Khateng a lawh la te a ding in leng a nuam tuankei. Kilawh tawm te a ding in leng a nuam tuankei. Inn veng tanau laina leng ki ngaihnatna ki itna kiam sak zou mahmah hi. Lauhna ngen in ki pumdim gawpta.

Pathian in hon veng hikei leh ei Lamka a teng singtang mite bang ki si bei pah ding hi. It mahmah sihna lam zuan a hon na paisanta te inn lum ah a luang damsa uh leng puak lut theilou hi lai maw. I lungtang a hon dawt ahi. I pate uh I nute uleh i sanggam te uh luang damsa beek uh khoih le khoih theih louh a gal et a vui liam mai ding a na hi.

Chik chiang theng ding na hiam aw Nang Covid 19..Ka pack nawn kei ding ka dawn nawn kei ding thilbang subuaitu chi a va dawn louh a pha di lah hi mawk lou chin a, huih khua a leng thawh chin a. Toupa ka gam uh damsak in bang chitan hiai thuak lai ding ka hi ua.