FIRST YEAR OF RE-BULDING THANLON:
ACHIEVEMENTS AND PROPOSALS
(March 14, 2012 – March 14,2013 SUNGA THANLON TUNDING NAWNNA DIA NNA KISEMKHIA LEH SEPDIA KIGUANG KHENKHAT-TE)
Thumapi:
Thanlon Assembly Constituency mipite tungtawna Manipur Assembly MLA khat dia hong sep a, tunitan hong makaih Pathian min ka phat a, bialtu mipi tengteng zahna leh itna Chibai kon buk masa hi. Nam makaite leh noute deihsakna ka tan kia hilouin, tunitan thumna toh non bohzuizel ua MLA kia hilou, Manipur a Parliamentary Secretary khat dia sehin I om uhi. Hiai bang mohpuakna toh I sepkhawmna kum 1 bang hongching theita a, ka kipak petmah hi. Ni 365 paita mahleh i duhthusamzah leh noute lam-etna zah semzou nailou ka hi chih kiphawk kawmin, i chinlahnate kingaidamtuah dingin leng kong ngen masa nuam hi.
Noute tunga kipaklua himahleng, taksa a hongphazawk theilou ka hihna ah kisuanlah huai kasa petmah hi. Bangteng hileh haksatna leh buaina tampi kala, sihna limguam tawna i pailai aleng hong nuselou Pathian ziaka i sepkhiak tamloute leh maban a sepdia i guante, i vek a i sep leh i tup ahihna ah noute theih ding in taklat zek ut-huai sakna ka nei hi. Hiaite kei mimal hihtheihna ziak ahikei a, hong deihsaktu noute toh i pankhawmna uh Pathian in hong vualzawl hizaw ahihdan i phawk masak ka deih hi.
Awle, Thanlon Tunding Kiknawna toh kisai, kumkhat paita sunga i nnasep taangpi hiaibang ahi:
A TAANGPITE
INNSIA PUAHNA:
IAY Scheme leh TD Housing Scheme tungtawn in kithutuaktaka Unit heututen beneficiary dia nawn telkhiak innkuante uh kiang ah quality hoih mahmah Langva 35mm leh Innvan; ban ah TD Scheme a langva(50 mm..!!) ahibangbang in kihawm hi (78 vel).
SYNTAX/WATER TANKY :
I bialsung ah election lai a INC Unit Office a kizang inn 20 ah Plastic/Nylon Syntax (1000 litres) piakkhiak ahi a, maban ah leng avan hongpai dan zil in hawm zawm zel tup ahi.
FINANCIAL ASSISTANCE FOR WOMEN SOCIETY :
Tribal Development Fund tungtawn in khua 20 a Women Society-te Zan-puanthuah piak dinga guan ahih bangin piakkhiak ahi.
PISCICULTURE :
Quota tamkei mahleh beneficiary atamthei pen in a hamphatpih deihna in–Ngakhoina proposal bawl ahi. Government sum dinmun a dengdel mahmah ziak in kisem khethei naikei mahleh, ahihtheih hun a sepkhiak tup ahi.
VETERINARY & ANIMAL HUSBANDARY:
Hiai Deptt tungtawn in huangvulh-ganta khoina ding beneficiary mi 13 huhna piak dia guan ahi. Hiai leng tu dinmun a sepkhiaktheih hinaikei mahleh, Govt sum dinmun hoih hun2 a sepkhiak tup ahi.
HORTICULTURE :
Huan-haichi lam puahphatna ding toh kisaiin Horticulture Deptt tungtawn in Beneficiary hunkhop guan ahi. Government sum dinmun a dengdel mahmah ziak in kisem khethei nailou a, ahih theih hun a sepkhiak dia gel ahi . Green House-High Tech Poly-House (Nursery Bed) bawlkhiakna di’n S.Tallian, Mualnuam leh Bukpi ah nasepna pailel hi.
AGRICULTURE:
Bialsung ateng abiikin Leijangphai Kual Tuipi jula omte’n Khaal-haichi chiinna a aphuattuampih theih ding uh ngimna in Agriculture Minister Md. Nasir tonpih in S.Tallian khua ah ‘Haichi Hawmna ‘ kinei a, akiim a khua tamtakin phattuampih uhi. Hiai hun in Allu – 100 Quintals, Ankamtang, Kobi tang, Mangan tang, Bepitang kigawm Bag 50 mawngmawng kihawmkhia hi.
Tualou in Agriculture Deptt nuai ah, hongpawt naikei mahleh beneficiary 10; Cluster Demonstration ah beneficiary 53, pond farm beneficiary 4 leh subsidy pumping set adi’n beneficiary 4 kiguang hi. Hiai leng Government sum dinmun a dengdel mahmahlai ziakin kisem khethei nailou hi.
PUBLIC DISTRIBUTION SYSTEM :
Nidang a Thanlon bial pumpi adia Public Distribution Sub-Centre (PDSC) 1 kia omsek pen 3 (Thanlon, Bukpi & Mualnuam ) dia bawlkhiak ahita. PDS /FCS tungtawn in Thanlon A/C huamsung a Polling Station 34 ah ahun hun in AAY, BPL, Sugar & SK Oil puaktung ahi gige. Tuate banah Christmas Gift(2012) dan in Chini (Sugar) Quintal 60 Saptuam pawlchih kianga hawmkhiak ahi.
Hun sawttak donlouh a na omsek Pherzawl Area a khua 7-te tanding (Quota) Parbung Block a lut gige, a mipi’n amuhkhak ngeilouh, ei bial sung a hawmtheih dia bawllem ahita.
Government Policy hong kikheng in, Polling Station-wise a Fair Price Shop (FPS) hinawn lou in, Inn 200 chiang in FPS khat neih ding chih himahleh, Government leh akisaipihte kiang ah kikawmtuahna haksatdan pansan in FPS-30 dia guan ahi. Thanlon Block=25 FPS, Pherzawl Area (Parbung Block)=5 FPS. Total: 30 FPS dia guan ahi.
EDUCATION & MEDICAL FACILITY:
A.Thanlon bialsunga Govt LP School 5 Junior High School a dopsang (upgraded) ahi. Tuate Maite, Mualkui, Muikot, Tuikumuallum & Bualmual.
B.Thanlon bialsung a (District Council huamlouh) Education Deptt nuai a om School function lou 22 lakah Cluster Development om theihna di’n School 9 kitelkhia a, tukum Academic Session thak apan “Thanlon Education Drive” chih min zangin campaign nasatakin kibawl hi. Hiai pen Manipur khangthu adia Block level a thilkihih masapen a chiamteh hial in om hi. Huai di’n teacher 68 kisawllut (newly posting ) beh hi. Semtute (teachers) kiang a gin-omna toh i gam adia nasemkhawm dia chialna in January 13, 2013 in Vok gou in Siamsinna lama Chialpina neih ahi.
C.Hundang a Thanlon bial pumpi Medical Officer (Doctor) 1 kia etkol a na omsek kipawna in, Doctor kitaksapna hihkiam tupna toh, tuni’n Doctor 7 kikoih (posting) hi. Tuate Thanlon PHC ah 3, Sinzawl PHSC 2, Bukpi PHSC ah 1 & Songtal PHSC 1)
D.National Rural Health Mission (NRHM) Fund zat dingin Thanlon, Bukpi, Bungpilon, Mualnuam, Sumtuk, Kaihlam leh Aibulon PHSC building puahphat dia guan ahi.
E.Bangchikmah a PHSC omkhak ngei nailouhna khua Phailianbung, Suangsang, Damdiei, Phaitong chihte ah Primary Health Sub-Centre (PHSC) thak honkhiak dia proposal piak ahi.
JOINT TOUR:
Churachandpur District sung a Ministers/MLA/MDCs bangzah hiam in, Hon’ble Minister Pu Phungzathang huaihotna nuai ah Joint Tour kinei a, hiai pen District khangthu a thil om masa ahihna ah, gah kilawmtak ahon suan lam-et ahi.
POWER (ELECTRICITY):
(a)Electric meivak thahatna 33/11 KV pekhethei ding Thanlon khua tunsak sawm in, Power Sub-Staion building bawlzoh ahita a, tu’n Deptt in transmission-line (agui khun) buaipih lel2 ua, tukha sung ngei a mei hong vaak zoh i lam-en hi. Tuamah bangin, maban ah leng, 33/11 KV omtheihna Sinzawl khua lutsak kisawm hi.
(b)Power Sub-Station 132/33 KV alian Thanlon muna omna di’n State Govt in decision la in
DPR (Detail Project Report) bawl lel2 uhi.
(c)Hun sawtpek a tumkiksa Tuivai Hydel Project hinsak thak nawnna dia panlak ahi a, tu’n
anaihna lampi (approach road) SPA fund zangin kisial lellel hi. State Govt in Hydel Project kici policy thak anei in, Bidding Document SBI Cap tungtawn in bawl zouta a, Bidder 14-te lakah 10 shorted list kibawl in final decision bawl ding ngak ahi.
MINOR IRRIGATION :
I singtang tuilou/phailou neih sunsunte kepbit tupna in Thanlon bialsunga mun 5 vel ah MI Dam bawlkhiak pah dinga guan ahi. Tui hawmzakna (field channel) leng ahi theitan a guanlut sawm ahi. Huchimahbang in, chikmah a IFCD fund singtaang bial a kizang ngeiloupen(singtaang ah flood om ngeilou chih suanlam a na zangngeilou uh hihtuak…!!), tukum in Thanlon AC sunga ding project guanlut ahi.
SOCIAL WELFARE DEPTT :
Upa/teek Pension(IGNOAPS/MOAPS) mukhangei nailou Thanlon AC sunga kho tuamtuam apan mi 200 khatvei thu-a guanbeh ahi a; ICDS Programme nuai ah Worker 1 & Helper 1 jel om theihna Anganwadi Centre thak 6 proposal piaklut ahi. (Pherzawl-E,F,G ; Leisen-D; Damdiei-C & Tinsuong-D) Tuaban ah Leisen leh Damdiei ah Mini-worker 1 tuak guanbeh dia proposal bawl ahi.
WAITING SHED :
Govt in normal fund release naikei mahleh Emergency Fund danin Chief Minister in Bungpilon, Phaitong, Sumtuk , Sainoujang, Damdiei ah Waiting Shed bawlna ding hon pia a, hiaite bawlna nnasep paitou lel hi.
COMMUNITY HALL :
I pankhawmnate ziakin Mualnuam leh Sinzawl a Community Hall building bawlna nasep kipanta hi.
VETERINARY BUILDING :
MLA chinnung apan fund om thei dandan entuah in Thanlon & Mualnuam a Veterinary Building kilam a, luahtheihpah ahih I lamen hi.
COMMUNICATION/ROADS :
I bialsung a lamlian poimoh 2 (Tipaimukh Road & Guite Road) atuk-akhal a zuihtheih ahihna di’n, BRO/BRTF-te naakpitakin kinohseka, abialsung mite mahmah semtu(labour) ahihtheihna di’n panlakzel ahi.
Huchilou PMGSY Scheme nuai ah Galkapkot-J.Phaikholum/Muntha tender process pat ahita; Galkapkot – Gamhui (Repair & Blacktopping); Bukpi – Aibulon via Palkhuang (Repair & Blacktopping) & Bukpi – Bungpilon (New construction) chihte sep theihdi’n proposal kipelut khin hi. Tuamah bangin, PMGSY nuai ah, I bial sung a Bridge – 3 leng proposal kipia hi.
DISTRICT RURAL DEVELOPMENT AGENCY :
DRDA tungtawna Centre Fund hongpai khenkhat- BADP, BRGF, MDSP & adangdang a bawldi’n i bialsung a khawtuamtuam poimoh IVR, Ringwell, RWS, Waiting Shed, Big Solar Project, School building, Community toilet, Market Shed, Suspension Bridge leh adangdang hunkhop kiguang zou a, himahleh hiaite Govt in fund a khahkhiaklouh ziakin kisemthei nailou hi.
DRDA nuai a kiguangte, tomkim a ettheih di’n a nuaiah I taaklang ding uhi:
|
Sl.No.
|
Items
|
Proposed Amount
|
Status
|
|
1.
|
Tribal Development(2012-2013)
|
15.00 Lacs
|
Fund pending
|
|
2.
|
MsDP(2012-2013)
|
50.00 Lacs
|
Fund pending
|
|
3.
|
BADP(2012-2013)
|
72.00 Lacs
|
Fund pending
|
|
4.
|
BADP(2013-2014)
|
72.00 Lacs
|
Fund pending
|
|
5.
|
BRGF(2012-2013)
|
50.00 Lacs
|
Fund pending
|
CHITUAMDEUH HAMPHATNA
MUALNUAM BDO-cum-SDO office :
Manipur Canbinet thupukna dungzuiin Mualnuam SDC -HQ pen BDO a dopkang himahleh akum asim donlouh a om pen kintaka bohzui ahi a, TD Block kia hilou SDO-HQ munpi khat ahihtheihna di’n kidianpih hi. Tu’n khua 18 cover in Gazette Order (No.5/39/2013-RD & PR,dated 27th February,2013) suahkhiak hita hi. Tunung sawtlou a Building /Quarter leh Staff kiningching hong omtheihna di’n Govt a bohzui lel2 ahi.
WATER SUPPLY :
North Eastern Council (NEC) Fund zangin Mualnuam leh Songtal khua kikop ding Water Supply Scheme nasepna kipanta a, Thanlon ah leng nakpitaka panlak ahi a, a Deptt te’n nasep hong patpah uh i lam-en hi. J.Phaikhulum/Muntha leh Sinzawl khua a Water Supply lam puahphatna di’n Tuilong bangzahhiam kipotungta hi. Hiai bangbang scheme dang adin PHED-te survey kibawl sak lellel hi.
POLLING STATION THAK 5 KIBEHLAP :
Election khat pepeuha mipite adia zangkhaizaw ding geelna in, Thanlon AC sungah Polling Station 5 kibehlap hi. Tuate Tallan PS; Bukpi PS nih kisuah (Bukpi Govt H/School A & B); Suangsang PS, Sainoujang PS leh Phailianbung PS.
THANLON IAY STIMULUS PROJECT :
Thanlon Stimulus Package sutzoptheih nawnlouh dia abuai nung in, Chief Minister kiangah kingen a, aman leng Thanlon bial sung a sepsuah ahihna dia Central Government tanpha a pan hon lakpih ziakin sautak tut ahita. Hiai hong lohchin leh i bial in hamphatpih mahmah dia lam-et ahi.
PHATTUAMNGAIHNA NASEP:
Election hunlai a kipan damlouhna ziaka Lamka/Imphal a Damdawi-inn hong zuan, lohsam a innlam kipokik mai ding luang 20 val mawngmawng panpih theihna omsun chiin akhua tan uh gari in puaktung ahi. Innsia lousia leh kangmei patau om hun in, ahitheitan in amun delh ahi a, panpihna om thei bangbang kibawl zel hi. Hiai toh kitawn in innkuan 10 sang a tawmzaw lou panpihna piak ahi. Election lai a Pherzawl teacher Thangchungnung Election duty dia kuan, CPI candidate gari a hong tuang accident pen Ex-gratia Government a nawlsuah pih ahita.
DISTRICT SUNG AH:
(A) Singtangmite haksakna en vengveng kawm in Lamka mun ah Staff Selection Centre omna di’n pawl tuamtuam toh pan kila a, tu’n Exam Centre khat ahita hi. Hiai toh kisaiin CDSU in kipahthugenna in Kel tal 2 hong gou uhi.
(B) Education Deptt saina a Teacher Eligibility Test (TET) Exam neih ahih hunchianga Imphal sese a Exam ngaisek leng Churachandpur a Centre honkhiak ahihna di’n naktakin pan kila a, kizouta hi.
(C) Churachandpur District mipite haksatna Electric zomthak (new connection) nuamte’n kaalkhat (1 week) khawng hun subei a Imphal a hong ngaksek uh hihbeina di’n pan nasatakin kila a, tu’n CCpur mun ah form hawmkhiak ahita.
(D) Chi-le-kuang, pau-le-ham thu hilou a buaina i lomtuah chiang in ahitheitan a malak utna ziak in, Christmas kuan a Bandh in ahon sukbuai lai in tha tampi mahmah kiseng hi.
(E) Imphal East District a land record omkha singtaang khua 10-te Parbung SDO/BDO a suankik ahihtheihna dia panlak ahi.
PENDING SCHEMES:
I gamsung, a biikin Thanlon bialsunga mipite phattuampih theih ding in Schemes/Project tuamtuam kiguanga, huaite tamtak Government in hong pomsakta mahleh sum dinmun ahoih zohlouh ziaka sepkhiaktheih nailouh in om uhi. A tunga I taaklatsa leng bangzah hiam om mahleh, a theihsiam huaizaw ding geelna in a nuai ah i taaklang lai ding:-
|
Sl.No.
|
Items
|
Target
|
Status
|
|
1
|
Minor Irrigation
|
5 location
|
Pending
|
|
2
|
IFCD
|
1 location
|
Pending
|
|
3
|
SPA-PWD (2012-2013)
|
1 portion
|
Pending
|
|
4
|
13th Finance(PWD)
|
1 portion
|
Pending
|
|
5
|
NRHM(2012-2013)
|
1PHC. 6PHSC
|
Pending
|
|
6.
|
Acid Reclamation(Horticulture)
|
50 Beneficiaries
|
Pending
|
|
7.
|
Solar Streetlight
|
100 Beneficiaries
|
Pending
|
|
8.
|
PMGSY(8th Phase) Roads
|
Galkapkot to Muntha
|
Pending
|
|
9.
|
PMGSY(9th Phase) Roads
|
9 Portions
|
Pending
|
|
10.
|
PMGSY Bridge
|
3 Bridges
|
Pending
|
|
11.
|
Tribal Inclusive Growth
|
Thanlon BDO Office
|
Pending
|
|
12.
|
Tribal Inclusive Growth
|
Mualnuam BDO Office
|
Pending
|
|
13.
|
Police Station improvement
|
Thanlon PS
|
Pending
|
|
14
|
Bamboo Project
|
|
Pending
|
|
15.
|
State Additional Lifeline
|
|
Pending
|
|
16.
|
Tuivai Hydel Project
|
|
Pending
|
|
17.
|
132/33 Power Sub-Station
|
|
Pending
|
|
18.
|
33/11 Power Sub-Station
|
|
Pending
|
|
19
|
Boys and Girls Hostel
|
100 capacity
|
Pending
|
DINMUN POIMOH LETKHAKTE:
Pathian leh mipite deihsakna ziakin, SPA Ministry nuai ah, a nuaia dinmun poimohte kilenkha hi :
(a) Member, Manipur State Education Consultative Committee (MSECC)
(b) Member, Public Accounts Committee (PAC)
(c) Member, Pradesh Congress Committee (PCC)
I gensa bangin ni 365 sung in bangzahhiam semkhesam mahleng, muhtheih ding tam nailou hi. Theihtop suahin pangsam mahleng, ei hihtheihna khenlama haksatna omte, a biikin, Sate sum dinmun, kipumpelh theilou hi. Bangteng hileh Govt sum dinmun hong hoih dia, hiai sanga tamzaw semthei dia Pathian in hunpha hon piak i lam-et leh thumna ahi. Pathian in hun hongpiaklai teng I Minam khantouhna leh bitna dia theihtopsuah a pangzel ding I hihdan zong ka taaklang nuam hi.
Atawpna ah, i bialsung mite banah, i Minam makaite leh Lamka, Imphal leh Delhi tana gam-le-nam itna toh theihtawp suaha tunitan pan honlakpihte tungah ka kipak mahmah hi. Pathian in amaute aleh tampi’n vualzawl hen chih ka thumna ahi. Thanlon tungding kiknawnna nasep sunzom thei jel dingin, Pathian in hon ompih henla, maban ah aneu-alian nakpitakin pangkhawm semsem ni chi’n konchial sawnsawn hi. Maban a i nnaseptouh didan leh sepdingte ahitheitan a kikup dialdial ka tup ahihbanah suggestion chiklai peuha poimoh mahmah ka hihdan zong ka taaklang nuam hi.
Ka kipak. Toupan hong vualzawl chiatta hen.
Na deihsak uh,
(VUNGZAGIN VALTE)
Hon’ble Parliamentary Secretary (Hort.SC & CADA)
(14th March, 2013, the 1st ANNIVERSARY OF OATH-TAKING AS MLA)
EIMI 14 IN CIVIL SERVICE MAIN-2012 GELHCHING, INTERVIEW IN SAMLAI
