HUN IN NGAK HON NEI LOU HI

User Rating: 0 / 5

Star InactiveStar InactiveStar InactiveStar InactiveStar Inactive
 

HUN IN NGAK HON NEI LOU HI:
By Liansiam Ngaihte

Khovel gam tuamtuam leh mun tuamtuam ah mi te i etet chiang in mel leh puam, pau leh ham, leh tawn Dan tuamtuam te ki bang vek lou hi. Mi a tam zo ten a pi leh pu khang apat tawn dan a neih te uh zui tin ten uh hi. Bang ziak a pi leh pu tawn ki zui hiam?
Khen khat in tawn dan na tawm thei lou in pau leh ham a tam zo manghilh uh hi. Khua pi tuamtuam a om abik in nam changkang i chih ten un a nam tawn dan uh kem bit tin ten uh hi. A ziak khat hi dia ging tak huai ahih leh nam ki chi kiam lam sang in pung lam manoh ahih man in a huap zau deuhdeuh ding ahih man in tawn dan pen kem bit tintin uh hi. Nam tawn dan pen a kembit te nam pil leh nam piching a hi gige uh hi.
Bang ziak a Nam pi ching leh nam lian poimoh i hi ua ei ZO suan te?
Nam neu in a huap neu hi. Politically, geographically, administration, economically, ah neu bik mahmah in khang touh lam sang in namdang te nel siah ki kai ut mahmah ding hi.

Bang ziak a nam lian poimoh i hi ua?
Nam lian i chih nam pi ching chih etsak na a nei ngal hi. Nga in a tam a sihpih a, mihing in a tam a hin pih hi chih thupil in le ana gen hi. Nam lian hih na dia poimoh chu ki tuak tak a om dan zil poimoh hi, thil a neu zo en lou in a lian zo et poimoh mahmah hi.

Gam leh nam politics ah bang lam ki nawt Zo suan te:
Minam politics i et chiang in khasiat huai lah hilou maban awl awl a ki suan hi, Delay politics kha Kumpipa pai zia ahi hi, Zo suan te khat ah ding sawm pen hon khen darh ut ahi uh chih haih vual ahi kei hi. Aziak ahih leh British in "Divide and rule" chih pan san gam tam pi ana la ua, tu in i gam ah "Rule and divide" chih haih vual leng ahi kei hi.

Hun khat ah ki gawm a hun khat ki khen lungsim ki po vek phial ahi.
Mai lam ah bang ha suan tou di:
I nam heutu UPF leh KNO te tulel in govt. Of India toh talks 4 vei bang ana te ta uh hi. Lungsim ah hon lang vevua khat tuh Namdang ten hon min loh dan va et pen dik kim lou di ahi, min i neih sa tawn dan leh pai i na zuih sa pen ahoih pen dia ging tak huai zo hi. ZO suan te i hi vek uh hi(Zomi,Kuki, Mizo). Bang ah lam et na om hiam? Amasadi pen masa lou kha ahi diam.
Vaite ten adivasi leh caste niam taktak te bang ziak a promote lou hiam chih thupi leh lamdang hilou in A nam tawn dan uh a kepbit na lel uh ahi chi haih louh ding ahi.
Bang hun a khang lou di :
Mihing in lup hun leh khangloh hun ki nei hi. A poi moh mahmah chu nam khang loh di hun ahi. Namdang in amau a di a sai ua, mipi ten trust leh support a piak ziak ua nam thu pi suak uh ( i kim leh pam a nam om te)ki gen veu sek hi. Ei Zo suan ten le i nam pi heutu te pressure leh support piak a nam pi suah taktak hun hi ta lou hiam.

Saltang na thupi:
Mihing kua peuh in mimal ngaih dan a nei vek hi kei mahmah le ka hi, Tuni a thupi i kisak in zing chiang hun ki mu lou ahih chih le theih ngai hi. Khua mial nuai ah vak om lou a i pai leh pai na di ki mu lou chih mah bang in saltang na koi lam zuan ahia, sih na hon tung thei ahi chi et kawm a pai tinten hoih mahmah ahi.

SIN IN SEM IN ZUUN IN
Liansiam ngaihte