Bengaluru ah YPA Joint Headquarter honkhiak in om

Zogam.com, 16 August 2017 | Nitaklam dak 8 pm in Royal Suites Apartment, Kalyanagar Post, Bengaluru 43 ah YPA Joint Headquarters Bengaluru honkhiakna neih in om hi. Bengaluru YPA JHQ hong piankhiat theihna dia pan la Pu Benjamin Tombing malakna hi in gen uh hi. Pu Chin Ngaih Pau, Chairman CEC YPA Ghq in YPA Joint Headquarters, Bengaluru honkhiakna nei in, makai thak di te kitelna makaih hi. YPA General HQ akipan heutu tuamtuam - Pu T. Khailianthang, President YPA Ghq, Pu Lianmuanthang Valte, General Secretary YPA Ghq leh Pu V.Vungzapau, Treasurer YPA Ghq te leng hiai hun ah va ki hel uh hi.

Bengaluru YPA Jhq makai dingin a nuai a te telkhiat in om uh hi.

1. President : Lamkhanlun Shoute
2. Vice President : T.Vumminlian
3. Secretary : Khamlianmang Tombing
4. Asst.Secretary : Pauminthang Guite
5. Finance Secy. : Khamboi Paite
6. Treasurer : Chiinhauching

YPA JHQ BENGALURU latna leh vaipaw dia telching a omte' thumsakna Rev. Dr.Thangminlun Mangte, Local Pastor EBCC Bengaluru in nei hi.

YPA GHQ in honkhiak thak a om YPA Joint Headquarters Bengaluru phungvuhna in Rs.10000/- banah a zat diing uh YPA Constitution Bu 16, File Cover 2, Register/Minit Book 1, YPA Flag alian 1 leh aneu 2 leh envelope packet 1 President YPA Joint Hqtrs Bengaluru khut ah pekhia uh hi.