Zogam.com Photo Contest 2016 Prizes hawm khiatna om

ZNN, Lamka 15 April 2016. Nitaklam dak 4:30 in Hornbill Cable Network Studio ah Zogam.com Photo Contest 2016 Prizes hawmkhiatna om hi. Hiai hun ah winners te leh Zogam.com admins leh memberste va ki hel uh hi. Prizes sponsor tu Hornbill Cable Network Manager Pu Cole Tonsing in prizete hawmkhiakna nei a, admin pu C Lian Langel in hiai contest toh kisai omdan genna nei hi. Hunkhakna in Pu Johnathan Suantak in thugenna nei hi.

Contestants 13 hong lutte Delhi a om Pu Robert Malsawm leh Israel a om Pu Yehushua Menaseh in hon judge sak ua, tua banah Zogam.com facebook page ah mipi deihtelna (People's Choice) leng ki bawl hi. Tua te tungtawn in Prize mute hiai dan ahi:

Zogam.com Photo Contest 2016 winner: Pu Ls Munsong
Zogam.com Photo Contest 2016 2nd Position: FotoExpert (Pu Ginza in Delhi ah pekhia)
Zogam.com Photo Contest People's Choice Award - Pu Liangoumuan Samte

Winner in Cash Prize Rs 1000 leh certificate tang ding a, 2nd Position in Rs 500 leh Certificate, People's Choice Award in Rs 500 leh certificate tang ding hi. Ki pahtawina leh ki encourage na pen poimohzaw ahih manin Cash prize pen a thupi pen ki koih lou hi.

Prize hon sponsor saktu Hornbill cable network tung ah kipahthu admin ten gen ua, tua banah contestants teng leh judge tegel tung ah leng kipahthu gen uh hi.