Hornbill Cable Network in Digital Cable hawmkhiaktheihna license MIB akipan ngahta

ZNN | 24 March 2016: Hornbill Cable Network manager Pu Alfred T. Cole akipan thutut kimuh dan in Ministry of Information and Broadcasting nuai a Cable Network Television Admendment 2012 dungzui in Hornbill Cable Network kiangah Provisional Registration piak in omta hi. Full registration pen Ministry of Home Affairs akipan security clearance a om chiang a, piak hi dingin zong gen hi. Ministry of Information and Broadcasting in India pumpi a Cable Network pen digitised sawm a, Churachandpur area pen Phase 3 a telkha hi. Phase 3 huam sung a Cable Network bawl tengteng 31st December 2015 tan a Analog akipan Digital akikhek ding uh chih Ministry of Information and Broadcasting thusuak ahi. Hiai dungzui in Hornbill Cable Network in New Delhi ah bohzui pah in, tu in provisional registration ngah ua, Churachandpur sung a dia Digital TV hawmkhethei dia phalna ngah masapen hi uh hi.

Hornbill Cable Network pen ei singtangmi khangthu a dia Cable Network pankhe masatu ana hi a, khovel khantouh dungzui in HCN le khangtou zel in, tu in Digtital Cable Network masa pen dingin om nawn a, iki pahpih ahi.