SUANGDOH KHUA A AIRTEL TOWER IN NNA SEMTA:

Guite Kual a kho tampi’n hamphatpih 28th June, 2019: Suangdoh Sub-Divisional Headquarters a Airtel tower in apaita 26.06.2019, nitak dak 06:00 veel apat nna semta hi. Suangdoh khua a Airtel tower ahihleh December, 2018 in zohsiang hita mahleh, nna a septheih pahlouh man in zattheih in om zok lou hi. Hiai toh kisai Suangdoh Hausa in ngaikhawk mahmah a, Airtel lam a thuneite kiangah tamveipi ngetna ana bawlta hi.

Suangdoh khua a Airtel tower tungtawn in Guite Kual a kho tamtak- Enpum, Lungchin, Ngalzang, Suangdai, Lungthul (E), Lungthul (T), G.Bualzang leh Tulakjang te banah, Myanmar gam a Guite Khawk ah- Tualkhiang, Haichiin leh Kawlnuai te tanpha in Airtel network ngahta hi. Hiai tower apan network ahihleh, a area a teng mite banah khualzin mite a dingin phatuam mahmah dinga gintak ahi.