Suggestion:
By Kimbawi Pa, Columnist Zogam.com
Ka humble suggestion khat, O. Ibobi, CM leh N. Biren MLS-te'n a thusuah uh, fb a ki-post toh kisai a ka ngaihdan k'on taklang hi. Tua Manipur Assembly in Bill 3 a passed-te ua i lungkimlouhna ziak uh gen a, delete/amendment bawl mai dia mansa a hihdan uh a kigelh hi. Ahihleh tuni tan a ei singtang mite'n i deihlouhna munte uh taklang nai lou maw? Huai i hih kei uleh mihai kitom kibang di ahi. A kinthei bang pen in Zomi-Kuki-Naga intellectualte ana kikum sak meng unla huai point-te kintak in taklang sak un.
Tuni a fb a ka lut leh Pu Phungzathang Tonsing Minister in MDC-te solkal bawlsak a hihlouh ziak ua solkal bawl sak kin dia O. Ibobi a nohna thu ka mu phing hi. A himhim a tuni tan MDC-te'n ministry from lou ua, CM in form sak lou ahihleh bangziak a tuni tan MDC-te dai uh e? Kitawp mai di'n hoih ka sa hi. I haidan uh. Ministry form lou a loh (pay) a muh uleh thutuam.
MLA/Minister i neihte uh lah kitawp mai di bang lou uh. A kitawp kei uh lele poi kei, CM toh kihou a tua Lamka a i misite uh vui theihna di tan bek thu hon genkhe thei le uh a chih huai mahmah hi.
A tawpna di'n, tua mipi thangpaite makaihtu di a om kei leh buai semsem di i bang uh. Hiai Bill 3-te' ziak a thangpai dia hasuantu heutu kua ahia? Heutu omlou a mipi mawk thangpaih maw? A tokthoutu om ahi. Huaiziak a mipite' thangpaihna dia tokthou tute'n a makaih tu di a zon uh a ngai hi. Tua JAC a makaite ahi uhia? Hilou? Ka thei kei. Mipi tokthou tute'n mipite a ziak a san a theihsak ua, a lungkimna di tan ua ma a kaih uh a ngai hi. Huai lou a mihai kitom toh hong kibang di ahi.
I palaite uh a kitawp uleh kitawp louh ka buaipih kei, intellectual circle in ma a pan dia, JAC in huai di'n arrangement a bawl dia, a kinthei pen in press release/communique hon suah le uh a hoih di. Huai bang kal ah i palaite un i lusunte uh maban di a na ngaihtuah le uh a hoih lai di.
I have many things to say, but its better to stop. However, if there is no response from the above mentioned parties I am not going to keep silent. If there is any malafide point in this short write-up please do inform me.