UI-HAI NATNA
Written by Dr Jam Thianlal
Huang vulh ganta duat luat
“Johny, Johny” chi a sapsap, jutjut
Min hoih min pha bang tang jejen napi
Omlai piandang a veichian
“Khenlum un, khenlum un” tang maiveh e
Ui-hai natna, Rabies tuh viral infection huai setak,sihna tun teitei natna ahi. Rabies virus in aveitu’ khuak(brain) leh thagui ka hiang(nervous system) suam a. Zoonotic disease, ganhing in mihing a loh/kaai natna ahi.
Rabies hikpai Uileh ganhing dang (rabid animals) in mi a keih/peh chiang bang, chi keh aliah chiang bang,Ui-hai’ chiltui mi’ mitsung hiam, kam sung(mucous membrane) khong a atuk khak chian hiai natna vei pahmai ahi. Hiaiziakin, Ui in ami keih pen’ vun neu kha akolh/kehlel le lau huai suak hi. A keih na mun in lu(head) lam a naih peuh leh damsuahna chance tawm dedeuh hilai!
Ui-hai in mi akeih/peh namun ah Rabies virus nasatak in kipun (multiply) a. Hua pat thagui zang(nerve) jui in spinal cord leh khuak tung toua. Hua kipan taksa kahiang tuamtuam ah kithehdalh hi.
Mi akeih/peh a kipan a mi keih pen omzia kikhen (signs &Symtoms kilat) kikal, incubation period ni 4 – kha 3 sung vel hi a. Hiai incubation period sung tuh KI-ETKOL HUN ahi. Hiai hun sung a Uihai’ keih etkol ahih teitei kul ahi chih kon gelh tuantuan deh. Signs &symtoms a kilat chian abel, ki-etkol in omzia a nei nawn kei a. Damlou tuh Vui-mang dia mansa ahi simta chih di ahi.
Rabies hik mihing pesawn thei ganhing te: Dog, Bat, Coyotes, Foxes, Raccoons khong ahi a. Baak le mawk maingal di hilou ahi. I gam a Ui-haite Baak in hong loh ahih mel i theisam a!
Ui-hai’ keihte omdan khenkhat:
Ni 2-10 sung(initial stage)-Tawl demdum, Ihmu moh, Chisa, Lu naa, Gawlnaa, Luaa.
Ni 10 nung(furious stage 80 %)- Om velvul toh om diidee thuah ua. Huham tak a khosa in mi keih peuh sawm uhi. Khenkhat in a omloupi mu, a ging loupi za’ (hallucination). A khen in a hiloupipi hi dia gingta bilbel(delusion).Chiltui hau petmah, Kho-ul le hau, Chimul thou fenfan, Pasalte bang a zahmoh uh tukh giugeu achive ua!
Tui a dawn dek chiang ua, dang tawng taksa zunghte khauh inchin, Tui dawn thei lou ua. Tui I gen lel lehle omtheilou in lau (hydrophobia) mai uhi.Khenkhat ngial in khovak le enthei lou ua(photophobia); a khen in huih nung le lau uhi(aerophobia). Hiaite lawi ni tomchik a thuak khit chiang un, khua phawklou in han mual lam manoh pih ngai uhi.
Ni 10 nung mah(paralytic or dumb stage 20 %)- Khut leh khe a taksa ten tha neilou, khut leh khe zengh in khua le theilou. Hiai stage ah bel Tui lauhna(hydrophobia) omlou hi.
Hiai bang a damlou hong omleh, damsuah nawn lou dia kisa ahita!
Ui-haite omdan:
Amasa: Ann nek sawmlou, Omdan ki kheng di. Nidang a Uigen noplua le hong pheng di. Ahik loh sawntu’ keih na ma a liakliak di.
A zom ni 2-4 sung Mad dog stage: Mi naanaa, lauh neilou, Tuah tengsual/keihsawm. Thawm ngaih le zatheilou.
A zom nawn Parlytic stage: Kam a chilphuan dim, Akha-be kia. Kamlehgawl atak sa zungh tezengh(paralysed).
Hiai bang a na Ui a hong omleh, khau khih in, khum inla. Ni 10 sung enkhia in.
Ui-hai lauhuai petmah ziakin, Ui deih a nei teng in Vetenary Deprtment a vaccinate sak teitei di ahi.Hiai Ui-hai natna 100% vaccine preventable ahi. A taangpi in un-vaccinated Uileh Ui kholak pawt hat ten Rabies a vei nuam se uh.
KI-ETKOL DIDAN:
Ui-hai in hon keihna maa tui siang(running water hoihzaw) toh sahbon a sawp siang masak di.
Betadine, Dettol (antiseptic) a om om a hah siang di .
A maa a let leh le tuam louh di, khui louh di (leave the wound open).
PEP (post exposure prophylaxis) kikap teitei di.
Inactivated Rabies Virus (market name: Rabipur/Vaxirab) 1ml a baih thei pen a ki kap pah di. Course 1 kapna 6 ahi a. Khit teitei di ahi. Kikap pat ni Day 0 a simahi a. Kikap di nit e: Day 0, 3, 7, 14, 30 & 90
Uikeih/peh a nasat luat a; lu (head), mai(face), hand(khutpek) khong a keih hiam, kamsung khong a keih khak leh, a dose behlap di ahi (lutoh a kinai deuh ziak).
Kap louh Ui (unvaccinated dog) in hon keih, khuat, liah lel lehle, a tung a PEP course kikap teitei di chih ahi. A maa neu chik hilele, Ui in Rabies hik a neih/louh kithei theilouh ahih chia!
Naupang leh pi-ching dose kibang.Naupang le 1ml mah kap di.
Taksa (IM) a kap di. Baanbul(deltoid) a kap sese di; tobou a kap hetlouh di.
Sardarji in Ui 3 tak kholak vakpih.
Mi pa 1: Na Uite min bang bang ahia, Pu aw
Sardarji: Hiai pen Gurinder Singh, hiai min Harbajan Singh, hiai pen Mahinder Singh
Mi pa: Ahihleh, nang min bang la?
Sardarji: Kei min maw Johny