Under Graduate students khat peuhpeuh in Foundation Course a diing in Hindi/MIL/Arabic/Persian/Sanskrit sik-le-tang a “Literature in English” laaktheih diing chi in April 10, 2013 ni in thupukna Delhi University in abawl hi. School level, standard 8 tan a Hindi/MIL/Arabic/Persian/Sanskrit ana lakha lou khat peuh in hiai paper (i.e., English) pen Under Graduate students academic session July 2013 a hiai University ah Admission bawl khempeuh in “English” lathei diing uh chi in Prof. J. M. Khurana, Dean Student’s Welfare in thusuah bawl hi.

Laizilna lam toh kisai a eimah pianpih pau (mother-tongue) a laigelh leh laisim kaan a nuam om lou diing in i gingta hi. State chih in “Official Language” akineih chiat ua; India gamsung State 28 leh Union Territory 7 in kikhen a, state khat sung nangawn ah pau (languages & dialects) tuamtuam tampi omna zong om ahihman in atamzaw pau azang mite’n atawmzawte nelhsiah in; huai ‘official language’ pen paulap a nei in atawmzawte tung ah phutluih a ‘Educational Institutions’ teng ah Primary level akipan zilsak teitei a sawm pawl zong om thei leuleu hi (e.g., Manipur State, 2014 akipan in). Mihing a tampen hih mai ziak a namdangte pau nelhsiah a, atawmzawte tung a atamzate’n amau pau zat diing pen phutluih kichi aomna state koimunpeuh ah buaina in azui zel chih phawkthak di’n ahoih hi (viz., Assam, 1968s).

India Daan Bupi, Art. 350A nuai ah ‘linguistic minority groups’ a diing in dikna leh tanvou (rights) State leh local authority khat peuhpeuh in mahni pianpih pau (mother-tongue) a ‘primary stage’ a naupangte laizilna toh kisai, President in kul leh poimoh asak dungzui in, akisinsak thei diing uh chi in State khat peuhpeuh ah thupiak abawl thei chi in kigelh hi.

Art. 350B ‘Linguistic minorities-te’ a di’n President in Special Officer khat aguan diing ahi chih leh huchibang nam niam leh tuantualte a diing a Constitution ah apau uh humbitna diing a hamphatna kipiate dungzui in State chih in semsuah hina hiam chih Special Officer in enkai in President kiang ah thil omdan diktak apelut diing a, huchibang a apiaklut dungzui in House of Parliament nih (i.e., Rajya Sabha & Lok Sabha) ah luikhiak ahih baan ah Govenments of States tuamtuam ah a thotkhiak diing ahi chih ahi. Hiai toh kisai, Manipur State ah huchibang theihsakna (reports) poimohte peluttu diing tunitan ‘Special Officer’ guan in aom nai kei nilouh hi. Hill Areas Committee in hon enkai theile uh adeihhuai mahmah hi.

Hiai a ‘Special Officer’ kigen pen in mohpuakna poimohtak nei ahihman in, Manipur State ah tunitan guan a aomlouh nilouh ziak in mailam hun ah buaina thupitak phutkhak diing om ahi chih muhkholh theih in omta hi. Akikhel sauluat ma ngei a thuneitute’n angaihven uh deihhuai petmah hi. “Language Imposition” hong om panta ahihman in kintak a thuneitute’n hon enkai uh henla, ‘Special Officer’ hon guang pahle uh chi in i ngen ngutngut hi.

Manipur Public Service Commission (MPSC) nuai ah Manipur Civil Service (MCS), Manipur Police Service (MPS), Manipur Finance Service, Sub-Deputy Collector (SDC), Posts and Services tuamtuam Exams kumteng phial in a om a, “Language” toh kisai tunung zek chiang in ‘State Official Language’ pansan in Manipuri a Exam hun hong tunghaknawn het lou diing abang hi. Meitei pau (Manipuri) pen India Daan Bupi, Eight Schedule ah Major Indian Languages-te lak a khat a guanlut ahita chih michih in i theihsa uh ahi. Manipur a om singtang mite pau, Tribal language khat lel leng Eight Schedule ah guanlut in aom kei chih leng i theihsa uh ahi. Huaiziak in Major Indian Languages-te lak a khat peuhpeuh, etsakna diing in Hindi/MIL/Arabic/Persian/Sanskrit pau a gelhthei, Manipur Tribal mite lak ah kua aom dia..?

Huchibang zel in, Union Public Service Commission (UPSC) in Civil Services Exams a saina nuai ah mi tangpi theihdan in IAS, IPS, IRS, IFS leh adang Group ‘B’ & Group ‘C’ and so on and so forth… Indian Major Language, Eight Schedule nuai a Languages guanlut a omte lak a khat peuhpeuh pau a Exam hun a gelhtheih ahi diing chih hun hong om dia kisatou meek ahihna ah, Manipur State in zong huai suangphum a nei a, ‘Optional Paper’ diing a “English Language” lakkhiak a, Primary Level, High School Level, Higher Secondary Level leh College & University Level ah “mother-tongue” nasatak in hon genmawi a, kumthak chiang akipan Meitei Mayek (Manipuri) Compulsory Paper hihsak diing chih Manipur State – Education Minister in tulai a atangkoupih thupipente lak a khat ahita hi. Tua ahihman in, i mitte uh vaaksak a, “between the line” i chi hiam, “reason behind” i chizaw diing adiam ah; tuate pentak kha khensiam le’ng chih deihhuai sadan i hi. Manipur Sorkar thiltup leh hon paipihdan etchet gige kisam petmah ahi hi. Policy bang hiam aguan peuhmah chiang a singtang mite (tribal) a diing a hoih/hoih-lou bang hiam khat om hia/om-lou chih Hill Areas Committee Members kuapeuh hong pilvang mahmahle uh chih deihhuai petmah hi.

Mi vantang in bel huchibang, Manipur Sorkar in ‘Policy’ aguan khempeuhte kitheipha lou a, kiphawk baan lou thei mah ahi hi. Mipi ai-oh, Vaihawmna Inpi (Assembly House) a thugenthei diing a mipite sik-le-tang a teelching a omta; “Daan Bawl Pawlpi” a vakihelpha chiang in bel ateelchingtu, mipite a diing a thil hoih lou leh khangsawn nawnnawnte a dia haksatna hong omtheite thaang a awk lou diing in “Tribal Interests” ah hong kipumkhat in hong pangkhawm siamle uh, huchi in suahtaakna lampi hon zuihpih zel theile uh i deih mahmah hi.

“Educational Institutions” ah ‘optional paper’ diing in mahni pau (mother-tongue) ahoih rualrual in ‘English Language’ pentak kha lakkhiak kul sese lou ahi chih kitelzaw seem a i theih uh deihhuai petmah hi. “Optional Paper” diing a ‘English Language’ Manipur Sorkar in lakkhiak adeihna ziak pentak kha ‘Higher Secondary Level’ tan a ‘Tribal’ mite lak ah eipau (mother-tongue) chiat mah a ‘optional paper’ tawi diing hon hasuan ekek diing uh, huchia “Competitive Examinations” atung a i gensa mahbang a, tunung sawt lou a, singtang mite’n “Manipuri” (Meitei Mayek) a Exams hun a gelhtheita lou diing, Tribal mi khat lel le’ng MCS, MPS, etc., etc. a kigelh ching ngei lou diing chihna suak hi. Huaiziak in, Manipur Sorkar in hiai “Language Imposition Policy” bawl a [amau (Meitei-te) mother-tongue chu “Manipuri” (Meitei Mayek) ahi chih mangngilh lou in chiamteh gige bok ni]; “Manipuri (Meitei Mayek) Compulsory Paper” hihsak teitei atup pentak uh; Tribal mipite a diing a thil lauhuai petmah, manthatna bul kipatna ahi chih theikawm a, nasatak a doudal ahih ngeingei diing ahi. UPSC & MPSC a “Competitive Examinations” ah chikmah chiang in Manipur State a tribal language khat lel leng akizang kei diing chih chiamteh bok ni. “Theihna taaksapna ah mipite amangthang uh” – Theihna leh Theihkaakna i neihtheihna diing un it lou leh chiil lou a pepa, Toupa Pasian kiang ah pilna ngen chiat ni…!!