Open Letter

To,
MLA candidate te tengteng kianga laikhak.

Maban ah Manipur pumpi a dan leh dun bawl a huai tawh kituak a vaihawmtu ding leh pualpi solkal tan palai na a hong sepsak sawm a gam itna leh veina liantak nei a mipi palai dia hong kisa heutu muanhuai taktak te zahtakna ka honpia hi.

Gam veina lianpi tawh hong ding a na hih na uah mimal hamphatna ding te hon pi bawl lou a, a dik a tang a Manipur sung a sepna muh ding, sepna zuak chih te om nawn lou ding in na gam na lei na it taktak leh na hon sem un... Development politics kia pi bawl a I gam I lei kepbitna ding I ngaihtuahna ken zaw den chiang in hun hong pai ding a, Manipur a singtang mite teng mikhual I hon suak ding ahi nou leng tel in.

Kum teng in Local fund 2 crores leh fund tuamtuam hongpai ding mipi theih phak louh toh tan in, huaite zang in I nam I gamsung a ding in na hon sem un... Huai leng na sep ma un na gilpi ua ding ngaihtuah pah kei un, naa hon sem phot un a val teng na gil pi ua ding in lut hen ka hon haza kei ding uh.

Singtang mite tribe bang zah hiam I teng khawm ua, ki pilsak hon omkhawm I hi zaw mah uhi. Ui leh keel mah in kituak lou tak in I teng khawm zaw mah uhi...kituak tak a khe khat a hon ding khawm sak ding gam it leh gam makai a ki poimawh a ki deihta hi... Assembly sung a leng singtang mi MLA dai de du lou pau ngam a ding khawm thei ding mi ki poimawh in ki deih hi.

Tribe tawmchik tengkhawm a kalsuan khawm a tup khat nei a, singtang mite thuakna, 3bills lai a mipi te kikouna aw hon mangngilh lou a, mimal hamphatna ding leh maban election nawn chiang a ka chin theihna ding chi a huai kia hon buai pih lou a, mimal vuk lou a,i nam i gam liangvaihna, vakvaihna thei a mi nuai a kunkun nawn lou a, singtang mite a dia kivaihawmna saklam khanglam chi a, nou, kou, amau chih kampau singtang mite te sung a ki khennate gawmkhawm tu hi ding in, heutu muanhuai taktak intending candidate te hiai laithon ka hon khak ahi

Laikhaktu. . .
Biak S Tawmbing.