Lamka 19 September 2018: Tuni nitaklam dak 3:30pm in Hornbill Cable Network studio ah Hornbill Genius Quiz, Inter School Quiz Competition rehearsal neihna om hi. Tuni rehearsal na ah Quiz Master Mang Taithul in participating team te kiangah Quiz pai dingdan leh Rules te genkhiatna nei hi.

Hornbill Cable Network neitu Pu Cole Tonsing in a genna ah hiai quiz a tel dingin school 15 akipan team om chi a, Hornbill Genius Quiz ahih leh hongtung ding September 21, 2018 chiang a pat hi ding a, Episode khat zel a team 4 kibei ding uh ahi.

Hornbill Cable Network in hun paisa ah Hornbill Little Star leh Teen Star competition ana sai ngei ta ua, tu in Hornbill Genius Quiz hon sai nawn ua, kua peuhmah in ana etsak chiat ni.