Auto driver khat in naupang numei 3 kidnap sawm.

ZNN | Lamka 13th October 2016. Thutut ki ngahdan in tuni nitaklam dak 4:25pm vel in Red Cross Road a Manga Vaiphei te inn kiang lakvel a Auto Driver khat in Elcism School a kai naupang numei thum te a veng uh Mission Road, Hiangtam Lamka a kha dingin tuangsak a, himahleh Tuibuang Peace ground lam pek ah taikawi pih hi.

Tuibuang lampek a taikawi pih chih naupang ten a theihtak un Auto driver pa kiang ah a inn lam ua paipih dingin ngen mah le uh, auto driver pa utlou in taisuak pih hi. Huai takin Tuibuang Centenary Hall lakvel a naupang thum te auto akipan in ki tawm khia uh hi. Aki tawm khiakna lam uah naupang thum te liam ua, a lak ua khat liam naak mahmah hi. Huai hun lakvel in Auto Driver dang khat Haupu guite, Mualkawite in tuak kha a, District Hospital tan hon pua a, tu in doctor etkolna in om lel uh ahi.

Naupang thum te ahih leh Naukim (9 years), Chingdeihnuam (13yrs) leh Naomi (13yrs) ahi uh. Naukim ahih leh a mai, a khut leh a khe aliam naak sim ziakin Surgery Ward a om lel hi.

I gam a hichi bang thiltung zak ding om zeuhzeuh a, meltheihlouhte zolnate ah kipan pilvan tuak mahmah a, i tate uh leh naute uh hiaite akipan pilvang chiat dingin thuhilh thei leng hoih mahmah ding hi. Tua banah naupang pii mangsawm Auto Driver zonkhiak hi hen la, a kituahpih gawtna piak hi leh chih deih huai mahmah hi.