Total Shutdown lohching. All Churachandpur District Diesel Auto Owners Association (ACCDDAOA) In Rally Nei

ZNN | 31st Aug 2015 ni a Manipur Government in Anti-Tribal Bill 3 a pass nung ni 361 chinni, 26th Aug 2016 phalvak akipan sun dak 12:00 tan JAC Against Anti-Tribal Bill in Total Shutdown a puan bangmah buaina omlou in lohchingtak a zohsiang in om hi. Huailou in tuni zinglam dak 10:30 akipan in anihveina din ACCDDAOA in rally thupi tak nei uhi.

Hiai rally Kawnpui field ah kipan a, Chairman, ACCDDAOA in paikhawmte vaidawnna nei a, Pu Mangchinkhup, Convenor, JAC in a thugenna ah hiai bang a Diesel auto association in pan a lak sek uh kipahpih huai a sak thu gen hi. Pu Paul Lalchanhim in rally patna dingin Flag-off nei hi.

Hiai peaceful rally in atup ahihleh, Tribal Unity pen puukse mailou a, naaktak a apaitouh ding tupna neih ziak a sai a om ahihdan zong gen uhi.

Huai banah, Salpha 9-te luang vuilouh a kumkhat ching ding hita mahleh, Manipur Government akipan Singtangmite thil ngette limsak hilou lai hi. Hiai rally ahihleh Tedim road tawn in Sielmat lei kianga luttou ua, Hiangtam Lamka ah suakkhia in, Salphate Pumbuk ah salphate zahna leh paak piakna program saulou zang in rally lohching tak a zatzoh in om hi.

~ Zogam.com News Network