Tribal Rights Vigil Manipur (TVRM) JHQ Lamka Honkhiat In Om

7th June, 2016|| Tuni sunnung dak 12:00 in YPA GHQ Conference Hall, Hiangtam Lamka ah Tribal Rights Vigil Manipur (TRVM) saina in Acclimatisation Propagation leh Official Launching of TRVM JHQ Lamka program neih in om hi. Hiai hun ah Pu Chinngaihpau, President YPA JHQ Lamka honkhiatna nei a, moderator mi 4 leng kichiam sakna nei hi.

Hiai hun ah Co Host in Pu Lian Suantak, Moderator TRVM GHQ Delhi in TRVM hong kipat dan a genna ah, TRVM ichih hun sawtpi ngaihtuah nung a hong kipan ahihdan gen a, 18th April, 2016 a Pu Romeo Hmar in honkhiatna nei ahihdante gen in I gam a kineksiatna, nekguknate dou poimoh ahi a chih ban ah, TRVM in  Project COFRELA (Corruption Free Lamka) paipih leh hiai project in maban a awareness program saitouh sawm ahihdante gen a, mipi pangkhom a kalsuan khop poimoh a hihdante gen in Lamka in mundang teng sang a corruption doudalna dia panlakna di chance hoih neizaw ahihdante leng gen hi.

Co Host Pu Thangbiaklian Hangzo, Chief Moderator, TRVM JHQ Lamka in a genna ah, thudik a i puankhiat himhim thu diktak mah ahih ding, a dikna pansantu di leng neih ding leh thudik a i puankhit ngal chu bohzui a tawpkik louh ding ahih dante gen hi. Pu Loon Gangte, TRVM GHQ, Delhi in a genna ah, nekgukna i dou taktak na dia, a zung a kalhkhiat ngai ahi chi hi.

Pu Lianzapau Samte, President, SSPP GHQ, Pu Chinngaihpau, President, YPA GHQ, Pu Jimmy Ginbiakthang, Tuailai 1434Pro, ATML, The Singtangmite, AMTWU, Media leh Spokesperson, ZSF Delhi te akipan nekgukna toh kisai a thugenna sau loulou genna om hi.

Paikhom mipite toh TRVM panlak touh didan kikup khawmna om a, i gam a ki neksiatna tuamtuamte mipi toh pangkhom a panlak touh zel ding chi uhi.

Zogam.com News Network