10 Studio Honkhiatna Neih In Om

ZNN | Tuni 11th July, 2015 sunnung dak 1 in 10 Studio, Rule the Change kichi Recording leh Music Production kithuah Hausa veng, Bungmual ah honna neih in om hi. Hiai Music Studio' Pastor Ginzatun, Local Pastor, EBCC Bungmual in honkhiatna leh latna nei a, ngainatu hunkhop hiai hun in paikhawm uhi.

10 Studio honna hun ah, a neitu Pu Benson in music hunsawt pek akipan ana lunglut ahih dante agen banah, kum tamtak ana tup gige tuni a mualsuah zou ahihdante gen hi. Music in gamgi neilou leh, music in chi-le-kuang ki deidanna omsaklou ahih dan agen banah, hiai banga studio a honsuah theihna dia Pune tanpha a sinsakna hoihtak vala ahihdante genna nei hi.

Hiai hun ah musician hunkhop leh lasiam hunkhop kihel ua, amaute a kipan inleng thugenna leh thukup ngaihnop huai taktak genna hunleng om hi. I gam in la leh tumging toh kisai a naktak a panlak touh ding kisam leh poimoh ahihdan tamtak in taklang uhi.

Hiai music studio thak ah vanzat kimtak om a, chiklai peuh in la khumtheihta ding hi. I nam-le-gam' masawnna khat tuntu ahihman in Zogam.com in nakpitak in Pu Benson i kipahpih a, maban ah hong lamzan touhzel ding deihsakna lianpen i pia hi.

Zogam.com News Network (ZNN).