Lamka 9 Jun: Tuni daak 11 am vel in Churachandpur Sector Assam Rifles sai na nuai ah DTC Hall ah Ex-servicemen Rally thupitak neih in om hi. Huai ah Pu Hangkhanlian, Minister Agriculture, Veterinary and Animal Husbandry, Govt of Manipur in Khuallian hihna toh uap in Assam Rifles ten District a omsung a silhoih abolte uh a kipahpih daan leh Mabaan a nautang te dopsang na dia panla tou jomjel diin ngen hi. Hiai huna Brig Ajay Kumar in vaidawnna thugenna nei in, Shri Khaipao Haokip, Chairman ADCC leh SP Churachandpur Shri Rakesh Balwal ten Guest of Honour hihna toh uap uhi. Hiai hun a Sepaih pension leh a inkuante 300 val kihel in, Medical camp hita in, pension toh kisai a haksatna tuam tuam te etthak na om hi. Axis Bank, SBI, Adadhar, Agriculture, Holticulture, Fisheries, KVK, Sericulture department te apan stall hong in mipite sinsak uhi. Hiahhun ah Sepaih pension Kum 75 tunglam leh Sepaih meithai te gift piakna leng om hi.