HUIHCHIM MEDIA LEH ADVISOR PU IN SALPHA VAL 9 GALNA NEI

Huihchim News Network, Oct 10: Tuzingkal 8 am in Bill 3 ziek a ahinna na chan Salpha Val 9 te haw Huihchim Media in District Hospital mun ah Galna ava kinei, zie hun ahin Huihchim Media in agalna in Thansuohpuon in thiluong khuhna akinei a, Thiluong enkawl a pang Pasal thum te ading in Huihchim Media siem Martyrs T-Shirt 3 piekna aki nei a, Sun leh zan chawllo a taiviel leh reception a pan la zing Joint Action Committee ( JAC) te leh Joint Philanthropic Organization te dawn ding Appy Box khat gel piekna akinei hi. Huihchim Media in Salpha 9 te hih zahna sangpen aki lhan a, a nuhsiet uh insungmite Thamuontu Pathien in thamuon a umpih zing hen tih hih Huihchim Media deihsakna pen ahizing hi.
.
Alang khat ah Huihchim Advisor leh tuleh tua News Editor, AIR Aizawl a sem Dr. Gin Gangte IIS, inle amah taksa hung kilakthei kizieng mahleh Salpha Val 9 te haw Huihchim Media palaihna in Rs 3000/- in galna anei hi. Galna sum leh pai haw hih Huihchim Media in JPO khut ngei ah ana piedawk hi.Huihchim Media representative a um thei cheng a kichieh khawm hi.
.
Huihchim Media | The People's Media