SSPP HQs Aizawl khangthu adia amasa pen din ah ARTIFICIAL GRASS tung ngat ah apaita date 16th November, 2012 in thupitakin Siamsin Sports 2012 - Rajiv Gandhi Stadium ah zatin om hi. Mipi 200 val mahmah BUS 2 leh mimal motor hunkhop toh kipaikhawm a, kimawl na tuamtuam kinei a; a bik in football kimawl na ki uang bawl hi. Team sawm (10) in kikhen a, hiai ten a ban aban in kimawl ziahziah uhi. Opening ceremony President Tv.Ginlalmuan in on makaih a, Pathian kianga kilat na Pastor G.Sanglian in on nei hi. Hiai zoh in Pu T.Lianminthang (Diredtor-SAI)in sports toh kisai thugenna ngaihnop huaitak mai on nei nawn hi. Hiai hun ah Grace Bible College a Lecturer Pu Damkhothang in leng hong uap a, amah kipahpih na in mipi'n khut kibeng zuazua hi.
Sports kick off na hun Tv. Suankhanthang (Manger- DCDC)in hon neih zoh phet in kimawl na kipan ngal hi.
Hiai hun ah football match sagih kinei kinei a, hiai te ban ah 100m race leng kinei thei hi. Siamsin na tuamtuam a vualtung tuang te pahtawi na hun leng kinei a, Upa G.Khamkhokam leh Pu H.Hauzakhum in hiai anuai a lohchin na ngah te Citation piakkhiakna on nei uhi.
1. Chawnghmingliani d/o K.Rosanga, Dinthar - II, AizAwl
Hold 6th Position in BSC Nursing Examination 2012 under Mizoram Coolege of Nursing with a percentage of 71.32%
2. Lalmalsawmi d/o K.Rosanga, Dinthar - II, Aizawl
Who scored 95 marks in Mathematics and passed with Distinction (80.2 % )in HSLC Examination under MBSE.
Khua mial dia ahong kisak pat dak 4:15 pm vel in Closing function neih in om a, hiai hun ah K.Muanlal (Asst Gen Secy) in on makaih a SSPP HQs Aizawl a vaipawte mellahna hun leng on nei ngal hi. Kipahman hawmna kinei non a, hiai hun ah Football a Team tuamtuam Numei leh Pasal team 6 leh race a vualtungtuang te kiang ah kipahman hawm na neih in om hi. Hunkhakna hun Upa G.Khamkhokam in on neihzoh toh kiton in Siamsin Sports khelah tak mai in kikhak hi. Kumnawn chiang in aw chi in mipite'n khelah tak in inn lam kizuan siausiau hi.
Siamsinpawlpi damsawt hen !!
Theihtuak: Mitam takin SSPP HQs Aizawl hi Jt. Headquarter isa kha sek ua, SSPP HEADQUARTERS ahi chih theih thak le.
Report Petu :
G.Thangchhuan (Secy - Info & Publicity Dept, SSPP HQs, Aizawl)