Hmar FC leh SSPP FC final ki mawl ding uh.

Hmar FC leh SSPP FC te final kai ua, hong tung ding 29 November 2014 nitaklam dak 6 in New Delhi Ambedkar Stadium ah VIII NE Tamchon Football Tournament Final ki mawl ding uhi. Hiai Tamchon Tournament ah winner team in 5 lakhs la ding a, Runners Up in 3 lakhs la dia, tua banah 3rd place in 2 lakhs la ding. Third place ahih leh Senapati FC leh Hornbill FC te zinglam dak 11 a ki mawl ding uh hi.

Tuni Semi Final masa pen kimawlna ah Hmar FC ten Senapati FC te goal khat in zou uhi. Lalramsang in goal khum in Hmar FC te final kai uh hi. Semi Final match nihna pen ah Tluanga in SSPP FC a dingin goal khat khum a, Hornbill FC te zou khia in SSPP FC te final lut uhi.

Hmar FC leh SSPP FC te zosuan tuak, Lamka mi tuak ahih ziakun Tamchon Final pen 'Lamka Derby' chih theih phial a, et nuam mahmah ding hi. Tamchon Tournament a fans hau pen SSPP FC te hi ua, tua zom in Hmar FC te hi uhi. A lang nih a fans tam law mahmah ding ahih manin kimawl husa thupi mahmah dinga gintak ahi. A lang nih tuak ua player siam ngen ahih manun, kua pen in zou ding ua chih gen haksa mahmah hi. Hmar FC leh SSPP FC team te deihsakna lianpen i pe tuak ua, best wishes i khak tuak uhi.

All the best to Hmar FC and SSPP FC!

NORTH EAST TAMCHON FOOTBALL TROPHY WINNERS

Year - Winner - Runners Up
2007- Wung united- DMZP
2008- Zeliangrong FC- Hmar FC
2009- Wung united- Chandel United
2010- DMZP- Hmar FC
2011- KSL- Zeliangrong FC
2012- Zeliangrong Fc- Hmar FC
2013- Hmar FC - KSL
2014- ??

MORE PICTURES OF THE SSPP FC SEMI FINAL MATCH: https://www.facebook.com/media/set/?set=oa.758173500935426&type=1