A Sawm 65 veina Zomi Nam Ni Chennai ah ZYA Chennai Region huaihot na toh nuamtak in zatzoh theiha om ahihman in I biak Pasian min I phata hiai Nam Ni tungtawn in thupina leh vangletna teng teng amah I khusak hi. Tup leh ngima om bangin a dak ahong gin toh kiton in Comparers Tv. Thianzamuan leh Lia. Suanching Tonsing ten naltak mai a hun hon pan in Pastor. Tuangzapau in Patna thumna nei in huchin hunpi ah ki lutsuk pah zing zing tamai hi. Mipi paikhawm te teng2 Pu. Thangzading Tonsing (Gen. Secretary ZYA Chennai) in vaidawna aneih zohin Lapi tute makaihin Mipin laa 2 akizom in kizomin kisa zua zua pheta tuazoh in Pu. Muana Vualnam (President ZYA Chennai) in Nam Ni tohkisai thua gen ban ah ZRO Hqt. Chiimnuai Apan hong pai Presidential Message simkhiatna nei hi. Aman a gen na ah Lei leh Van piangsak, Ni leh kha piangsaka ei minam khat hidinga hontel a singbul suangbul biakna teapan hon pikhia leivui pana hon laamtou Pathian muangin buan in kipumkhat na lungkia lou in masuan le leitang neitu in achitel amitel ei Zomi Namte gam hon pia ngei ding a tuani hong tunchiangin lungtup mual I suah ngei ding uh hi chi hi. Tua zohin Minam leh Zomi Leaders te teng teng a dinga thumsakna Pastor. Paununsang in nei hi. Huan Pu. Ena Guite makaih in Chennai Zomi honna paisan sate leh Zogam Salpha te Sunna hun kizang hi. Tua khit in Nam Lam Zomi Cultural troupe ten siamtak mai in lahna hon nei ua mipiten mit tai kisain awngzua zua phet hi. Tuakhit in Couple Display in Zomi Traditional Attire nuamtakmai in hon zui nalai hi. Hiai bangteng nungin 2013-2015 Term sunga ZYA vaipua ding mipin kitel hi. Programme kalte ah Artist siamtak tak 10 val teapan in gamngaihla te kingaikhia a biltaiin hon thathousak thei mah mah mai hi. Huchi in khamlou tak mai in hun tawp ding kuana ding ta ahihlam mipin theiin aam mah leh Pu. Ginliankhup Thomte (Vice President) a pan kipahthu genna siamnel tak mai in hon gena tuakhitin Music Teamte makaihin Mipin laa 1 kisakhawm in tua khitin Heutupa. Johnlal Samte (Chaplain ZCF Chennai) in Ankuang latna leh hunkhakna thumna hon nei in huchiin Zomi Nam Ni tuh zatliam ahong hita hi. Mipin Namni Ankuang ki umkhawm zua zua hi.
