NESEED leh NABARD in kinawptuana suai kai
CCpur, May 10 *(Nisn Thuhiltu)* : Mr. Lianzalal Vaiphei, CEO, NESSED leh Dr. R Ravi Babu, Deputy General Manager, National Bank for Agriculture and Rural Development (NABARD), Manipur Regional Office, Imphal in achiata 9th May 2019 a khan, Imphal ah Farmer Producer Organizations (FPO) promote bawlna ding in kinawptuana suai a kai ui. A kinawptuana dungzui ua, NESSED chu Producer Organization Promoting Institution (POPI) khat hiding, first kum 3 sung ah NESEED leh NABARD panlak khawmna lobawlmi (farmer) 300 tuam in phatchuampi thei ding uh ti a hi. Chuleh, NESEED in Santing, Mualhawichiang, Aina, Lungchuang, Munlai, Khawzim, Munpi,Thingkeu,Tuilumjang, Pangsang, Suangpha, Mualdak, Damzawl, Kawlhen, Munlui,Thinghijang, Pangsang, Tuilumjang, etc. ah thaichiga piang a hawina ding leh a kibelap theina ding ah skill training, Certification, marketing leh value added services lam ah panlakna nei ding a hi.
Mr. Lianzalal Vaiphei in kinawptuana tawh kisai a genna a chun, thaichiga piang a hawina ding leh a kibelap theina ding ah technology intervention, skill training, Certification, marketing leh value added services tite pawimaw a hidan gen in, lobawlmi (farmer) ten a biktak ah thiing (ginger) leh thaichi chi chuamchuam te kingakna a neitheina ding ua panlakna pawimaw in a gen hi. Chun, zia ah kinawptuana chung ah panlakna tawh kisai Mr. Thangchinkhup Guite, District Development Manager/AGM, NABARD Churachandpur in etzuipi ding ah kinawptuana nei a hidan le a gen hi.
Grace Bible College in 37th Commencement Service nei
CCpur, May 10: EBC Gospel centernary Hall, Dorcas Hall campus, New Lamka ah tuni zingkallam dak 11:00 in Grace Bible College (GBC) in 37th Commencement Service 2019 a mang hi. Zia hun chu Khupmuanpao Manloon leh Mary Ngaimuanvung ten amapui ua, GBC worship team in Pathian chawihawina laa ah mapui in, Rev K Kamchinkhup Director of Missions EBC in pauchapna tawh hun matna a hawng hi. Elder L Doulamthang Ngaihte, Vice Principal GBC in vaidawnna thu gen in, ZPCS choir apat laa pawl sakna a um a, Dr Niangsangching, Academic Dean GBC leh Rev Dr M Khamkhanchin, Principal GBC ten student graduate zo thak te thilpiak piakna leh degree piakna nei in, gruaduate student te thasik ah Lamminlal Vaiphei Master of Divinity in thugenna a nei hi. Rev Dr Ginneihthang Ngaihte, Director, Asian Cross Cultural Training Institute Singapore in commencement message gen in, graduate student-te pauchap piakna a nei hi. Zia hun mat sung ma' a chun, Lalboi Kilong, Dean of Student, GBC leh Upa Dr Ricky Vanlallawm Guite, Vice Chairman BOG ten award leh gift piakna a nei ua, Rev S Vungminthang Director of Ministries EBC in pauchapna tawh hun khakna a nei hi.
Grace Bible College apat graduate thak te ahiuleh - Master of Divinity zo mi 14 - Gominthang, H Kapminthang, H Zamsuankham, Jamkhanlian Tangpua, Jellina Manngaihniang, K Jamkhankhual, Lalpu Hangshing, Lang Khan chin, Langchinthang Naulak, Nemhoihkim, T Nehzathang Ngaihte, Veineilhing Haokip leh Zenpakmawi te ahiu a, Bachelor of Theology zo mi 17 - Chiinhaumuang, Chiinngaihlawm, K Chinghoihkim, Dim San Ciang, Ginsuanthang, Grace Ngainunmawi, K Enkhamson, Lianginmang, M Pauchinlian, Nancy Chinglawmkim, Paugousiam Ngaihte, Prakash Shiwa, Rebecca Dimkhoniang, S Paukhanlun, Shalomi Vungngaihlun, T Jamsuanmang leh T Paungaihmung te a hiu. Chun, Diploma in Theology zo mi 12- Birsing Tisso, Chiinbiakhoih, Chingmalsawm, Henkhomang Lhouvum, Khupsuanlian, Kimmuansanga, Laldingngheti, Liansuankapa, Man Hau Ching, N Lamkhanchin, Semion Timung leh Suan Deih Lian te a hiu a, Ministerial Training course zo mi 23 - Cathy Chingmuanniang, Chiinlawm, Chiinmuankim, Chingbiakmawi, Chinglalmalsawm, Chinglianniang, Chingsiam, Chingzamawi, G Chingkhovungh, G Nangchinkhup, G Thangsiam, Haumuankim, K Ngaihlian, K Thangsonmung, Khawlsonmawi Naulak, Mangminlun Khongsai, Nangmuansang Lethil, Nianglunching, Niangngaihnem, Siamlalson Hauzel, Upa G Damzamang, Upa Langzam leh Upa T Khamlawmthang te a hiu.
Hiatthei khat chu, GBC ah tu leh tu'n student 170 val a um a, Manipur bep hilo in Meghalaya, Nagaland, Karbi Anglong, Assam, Mizoram leh Nepal apat student le a um ui.
CCpur Govt. College office van gukdaw ah um
CCpur, May 10: Churachandpur Govt. College ah office ah kimang room pani ah May 9, 2019 zankal in pawl khat lut in room sung ah Computer Monitor leh Keyboard a gudawk ui. Zia ah room pani te chu Account Section in office ding ah a mat uh a hia, Internal Quality assessment Cell office le a hi. Guk mang ah um HP Monitor 19 Inches a lian khat leh Dell Company, Computer keyboard te tilo room sung ah um - Computer Printer, CPU leh a dangdang ahileh bangma lakdaw umlo himaleh Computer Keyboard leh CPU kizawptuana VGA Cable khat attan ah um in a kigen hi. Zia ah thiltung chu gucha pawl khat gamtatna hiding in a kigen hi.
Community Intervention tawh kisai genkhawm
CCpur, May 10: Dr. Vumchinpau Tonsing, CMO/District Mission Director, Ccpur lemsak dungzui in, tuni, zingkallam dak 11:30 apat in CMO Conference Hall, CMO Complex ah Community Intervention tawh kisai in thu pawimawh chuamchuam genkhawmna a nei ui. Zia hun a chun, DPMUs, BPMUs leh Pherzawl leh Ccpur District sung ah ASHA facilitators te a pang ua, Mary Huaisianvung in meeting mapui in, Dr Vumchinpau Tonsing, CMO/District Mission Director, Ccpur, Dr Jamthianlal, District Family Welfare Officer, K Lamsanglian, DPM NHM CCpur, Mary Huaisianvung te uapna tawh Community Intervention tawh kisai ah DPMUs, BPMUs leh Pherzawl leh Ccpur District sung a ASHA facilitators ten amau area huap sung a damtheina lam tawh kisai ah a mawpuaknau a hiding gual tak ah a sepdaw theina ding uh a lel khawm ui.
ISL & I-League player te tawh exhibition match nei ding
CCpur, May 10: Pehlum Lamhil Lawm organised bawlna' May 11, 2019 nitaklam dak 1:00 ah Lamka Public Ground ah Footballer ISL leh I-League ah kihel te tawh District ah footballer minthang te'n exhibition match nei ding a hiu. Zia exhibition match a chu, ISL & I-League player lam apat Seiminlen Doungel, Siamboi Haokip, Milan Singh, Salam Ranjan Singh, Pritam, Mohhamad Rakip, Dheeraj Singh, Lenminlun Doungel, Mangku Kuki, Udanta leh Chinglensana te pang ding a hiu a, Churachandpur XI team ah - Monk, Jeson Vaiphei, Thuaisang, Lalcha, Sebastian, Manu, Pauginmuan, Biaklian, Seiboi, Minlian, Lamgoulien, Jerry Pulamte, Ginminthang, Peter Seiminthang, Robinson, Lalsiem, Cornellus, Kaiminlen, Daniel, Ngamginthang leh David Ngaihte te pang ding a hiu.
12 Assam Rifle in HPC (P) President man
CCpur, May 10: 12 Assam Rifle (Kadamtala Battalion) in zanni nitak in Hmarkhawlien ah HPC (P) President man a hidan uh Assam Rifle thusuak in a taklang hi. Thusuak dungzui ah nitak dak 6:30 vel ah Hmarkhawlien ah inn khat a ettthak nau ah Lalhmingthang Sanate (53) s/o VL Ramliana of Hmarkhawlien, Saitual District, Mizoram mandawk un a taklang a, ama apat 0.32 leh a chang chang 2 mudaw ah um in a gen hi. Matdaw ah um Lalhmingthang kipuanna apat ama HPC (P) phutdawktu leh President banah March 2019 ah tha ah um Jubilee Hmar of Hmarkhawlien thana tawh kisai ah le kigawl khakna nei in Assam Rifle thusuak in a taklang hi.
Vaiphei pau simdân leh zikdân tawh kisai ah Seminar um ding
CCpur, May 10: Vaiphei Literature Society (VLS) organised bawlna' May 11, 2019 (Kiginni) zingkal lam dak 11:00 leh Gilgal Sunday School Hall, Langol ah - Thumal gawp di leh gawplo di; Zikthaw pau leh kampau; Grammar leh MİL zillai leh a dang dang thupi nei ah Vaiphei pau simdân leh zikdân chungchang Seminar um ding a hi. Zia hun a chu Henzagen (Adviser, VLS), Kamkhozuan, V/Chairman leh Liankhothang, Chairman, VLS ten student te ziltilna nei ding a hiu. Zia seminar a chu İmphal area zillai leh Kochuam puitute, area dangdang a diak ah Class IX - XII tiang ah Vaiphei (MIL) zillai te leh a lunglutna nei zosia pang thei ding a hiu.
Lung chi khat in thaichi tamtak ne'sia
CCpur, May 10: Manipur ah mudaw thak ah um, lung chikhat “Fall Armyworm” kiti'n Churachandpur leh a kiangtuam ah lo-thaichi tamtak susiathei ding in a um hi. Zia ah Lung chu Pangpalep (butterfly) chikhat tui apat hung piang hin a kigen a, Churachandpur khawpi kiangnai, Saidan, Mata, Lingsiphai, Geljang banah Thanlon Sub-Division sung Tallian leh Leijangphai tuam ah tam mama in a kigen hi. Zia ah Lung chun, Kawlbu leh Gehu ziik te ne', kung khat zikdawng a nekzaw tak leh a kung dang ah kichawn kit zel ti'n lo-bawl mi te’n a gen ui.
Lung ziak ah thaichi nasatak ah siathei ding ah a umna chung a chun, Agriculture Department a Kenedy, AO mapuina Team khat in khawpi ki'm leh kiang, mun chuamchuam etthakna a nei ua, a pawimaw dungzui ah Lung thana ding in damdawi le a pebawk ui. Tuni tiang ah zia ah Lung te chun district sung ah hectare 300 lam ah ah kichi'ng thaichi nezia zota ti le a hi. Indian Council of Research Institute ah Researcher te’n Lung thana ding a chu damdawi chidang khat kawkmu un le a kigen a, lung matna ding thaang (trap) le kisiam in a kigen hi. A langkhatlam ah Agriculture Department in Lung in thaichi a neksiatna chung ah lo-bawlmi te mawk pataulo ding hi'n a taklang hi.
MCSCC (Preliminary) Exam 2019 ding postponed kibawl
CCpur, May 10: Manipur Public Service Commission (MPSC) saina nuai ah 12th May 2019 ah Manipur Civil Services Combined Competitive (Prelim) Exam 2019 um ding ti himaleh postponed in a um hi. Manipur High Court ah exam rules & regulations kituptak ah a chiapi ahilo banah controller of examinations guatlo hilo, controller of examinations mawpuakna MPSC Secretary tuksuk ah um ti thu ah writ petition filed ah um ngaithakna leh lelna tuni ah Manipur High Court ah Justice Lanusungkum Jamir in a nei hun ah exam postponed ding leh exam masang ah exam rules & regulations kituptak ah siamtup masa ding ah Manipur Public Service Commission (MPSC) a hiatsak tawh kitawn ah exam hun ding postponed ah um ti a hi.
Tiddim road, Nambol ah bomb lem kikawi
Imphal, May 10 : Tiddim Road, Nambol area ah Nambol Thongkha mun ah tuni, 10 May 2019 zingkallam dak 7.30 -10:30 am kikal ah bomb hiding ah muanmaw, two wheeler Activa (registration number MN07S- 73) ah kikawi mudaw ah a umna chung ah gari taitua te hun chawmkhat sung khak in a um hi. Assam Rifles leh State police ten dakkal 3 lam a buaipi nung ua, Manipur Bomb Disposal Squad ten bomb kikam hiding ah thil muanmaw chu a etchian ua leh bomb lem, plastic container khat ah electric gui leh mobile hand set kisilawm ah kikawi a hidan hedawk uh ti a hi. Zia ah Activa chu a neitu kihialo, ni 3 lam zia mun a chu kikawita hi'n a kigen hi.Chun, Police ten zia Activa chu la'n police station a tut ui.
Building in chip ziak ah mi 1 thi, 1 liam
Imphal, May 10: Imphal ah Polo Ground kiangnai ah tuni, 10 May 2019 nitaklam in building inn khat a chim a, ziana a chun mi 1 in thina tuak in mi dang 1 in liamna a tuak hi. Building in chipthak ziangna ziak hiatchian hilo maleh building luita a hina chung ah detdo zo talo ah chim hiding in a kigen hi. Zia ah building chimtha umna mun chu Polo Ground kiang ah MPP Office tawh kinai, mi tamtak bazaar kaina munpi kiang a hi.
HC in Manipur Civil Service exam thei ding ah murder accused dawtna pawmpiak
New Delhi, May 10: Delhi High Court in tualthana case ziak ah jail ah kikawi Benzi Takhellambam chu Manipur Civil Service (Combined) Competitive Preliminary Exams 2019 bawl ding in a phal piak hi. Zia chu tawh kitawn ah Justice Sanjeev Sachdeva in prison Department of Delhi Government chu economy flight ah Imphal zawtpi ding leh exam zaw May 13 ah Delhi tut kit ding in a hiatsak hi. Alangkhatlam ah Manipur Public Service Commission (MPSC) saina nuai ah 12th May 2019 ah Manipur Civil Services Combined Competitive (Prelim) Exam 2019 um ding ti himaleh Manipur High Court order dungzui ah postponed in a um hi. Exam rules & regulations kituptak ah a chiapi ahilo banah controller of examinations guatlo hilo, controller of examinations mawpuakna MPSC Secretary tuksuk ah um ti thu ah writ petition filed ah um ngaithakna a um hun ah Manipur High Court ah Justice Lanusungkum Jamir in exam postponed ding leh exam masang ah exam rules & regulations kituptak ah siamtup masa ding ah Manipur Public Service Commission (MPSC) a hiatsak ziak ah exam hun ding postponed ah um ti a hi.
V.K TAWNA COLLEGE
Red Cross Road, Lamka
Manipur-795128
HEARTIEST CONGRATULATIONS
Heartiest Congratulations to
all our successful students in the H.S.E. 2019
Mr. L. Kaichinpau
(missed Top 10 Rank of Arts by 1 marks)
Subject Topper in Paite MIL (94 marks)
(and believed to be)
Churachandpur District Topper in Arts Stream
Scoring 423 Marks (84.6%)
Ms Neingaithem Kipgen
(believed to be)
Churachandpur District Topper in Commerce Stream
Scoring 372 Marks (74.4.%)
Mr Patrick Lalruatfela
Subject Topper in Mizo MIL (84 marks)
All our College Toppers: Marks
Arts - Mr. L. Kaichinpau 423 (84.6%)
Letter marks in Eng (82), Paite (94) Ggr (85), Pol (82) & His (80)
Commerce - Ms Neingaithem Kipgen 372 (74.4.%)
Letter marks in Eng (82), & Thk (88)
Science - Mr Nehthang 365 (73%)
Letter marks in Eng (82),Thk (88) & Bio (89)
And a team of dedicated Teachers
who worked hard with sacrifices to be a channel of blessing.
Above all, its God's grandeur that we could come to this level of success.
Let the name of the Lord be lifted high.
Sd/-
Principal