Zohna Puanlap - Zogam.com' Review

Salphate kipiak zawh dan, gim leh tawl phawklou a i gam leh nam a dia apan dan uh ngaihtuahna chiim leh lungsim tawng akipan hon phuak leh sa Pu Suanlian Tonsing ngaihsan huai mahmah hi na tel e. Hiai la Zohna Puanlap in ngaikhe tute lungsim khoih mahmah a, salpha te kipiak zawhna te lungsim mitkha in hon musak hi. Tulai khangthak ten i salpha te gimna leh haksatna phawk lou a zu leh sa a ki bual te awlmawh huai ahih dan zong a la in gen  hi. Zosuan te'n pheiphung suan khawm peuh leng,tongsuah ki dang zong palbang hong nang zou ding om lou, lungtuak peuhmah leng noplen kawlni hong suak ding a - Zohna puanlap i khai ngei ding hi chi hi.

Hiai la Zohna Puanlap Pu Suanlian Tonsing @ Roger Zomi in a phuah leh a sak ahi a, S. Pauginmuan (Max Studio) in music leh recording a bawl sak ahi. Pu Cole Tonsing in produced sak a, videography leh editing Awn Thian Muanson in hih sak ahi.

Hiai la single hi phot lai a, maban a hiai sang a hoihzaw leh thupi zaw album piching a hon bawl khiat i deihsak ahi.

Youtube link: https://www.youtube.com/watch?v=fz2fKD0rpWs

{youtube}fz2fKD0rpWs{/youtube}

Zohna Puanlap
Satu: Suanlian Tonsing @ Roger Zomi
Phuaktu: Suanlian Tonsing @ Roger Zomi
Producer: Cole Tonsing
Videography and Editing: Awn Thian Muanson