Itna tak leh taklou
By Biak S Tawmbing
Khovel a thil tuamtuam omte a tak leh a lem om gige hi. Huchibang mah in itna leng a tak leh a lem om hi. Itna i chih chih thum in khen theih hi.
EROS ITNA: hiai ahih leh numei pasal kal a ki ngaihna ahi. Itna thanghuai numei pasal kal a om ahi.
PHILIA ITNA: Hiai ahih leh inkuan ki itna, sanggam itna lawmta(same sex) itna te gen na ahi.
AGAPE ITNA: Hiai ahihleh eimah sang a midangte it zawkna, midang khualna itna ahi.
Itna lem (eros itna)
1. Emotion a kinga ahihman in lauhhuai mahmah hi. Emotion ki chi thilhih ut luatna ahih man in kin takin sang in niam thei hi. Itna lem emotion ahih kei leh feeling a san leh niam dungzui in sang in niam thei zel hi. Thuthak kipah huai zak a kipah chiang in emotion sangtak tak in om a, himahleh huai sang a hoih zaw muh chianga a lui pen phawk non lou toh kibang hi.mi melhoih or siamna hoihtak nei muh chiang a a lui pen phok non lou a itna bei hithet theih hi.(2sam 13:2,2sam13:5)
2, Na itpen a mi hin zia na theih om dia, etsakna din, la siamna, mi lawm baawl siam leh adangdang huai mi hinna khatpen ziakin it chihtak in na it ding hi. Huai amah a om melhoihna laisiamna leh adangdang te mitdel sial khua let in na len ding hi.a mihinna pumpi huchibanga hoih in na ngai ding hi. Amnon in Tamar a itna a melhoih na kia ahi.
3.A tangpi in na ki theih hoihna uh tha khat a thiltung ahi. Kintak a kipat bang in a hoihzaw leh thupi zaw in a khek khiak chiangin kintakin a a beipah thei hi. Itna zungkai manlou in a beipah thei hi. Na kimuh tung uh na itna uh a sang mahmah dinga, hun sawt hun sawt dung zui in khe niam hiai hiai ding. Amnon in Tamar hinkhua theichian chih ki gen khalou a, a melhoihna ziakin a itna puakzak hi.
4. Angmasial na a dim hi. Na itna ziak pen amah hoihna ding hilouin, nang amah apan bang hiam metna ding na lamet ziak ahi. Amah kipahna leh hoihna sangin ngmah nopsakna lehdeihlam tangtun kia na ngaihtuah hi. Na metna ding ahih keileh amah a dia siatna ding ahih leng poinasa kei ding (2sam 13:2,17-19)
5. Ma kiang a om louh chiangin midang toh na muangmoh dia, nglou numei/pasal toh kilawm theitak a om chiang un hon khen ding na lau mahmah ding hi. ” Kei a lou din a pammaih” ken ka tan kei di leh ka suse ding chih na ngaihtuah hitel hi.
6. Na muan oh banah na haza dia pasal dang numei dang toh a kihou chiang un nahehdi
A dang tampi leng om hi i gen seng kei
Itna taktak
Mihinna a kinga a, same sex hihna kibatpih toh na kilawm bang un om ding hi. Emotion a kinga louahihman in sang leh niam om mahleh kikhailou hi. Na it pen na itna ziak a mihinna ahihman in amah sang a melhoihzaw leh thupi zaw mu lechin leng a mihinna it a kithuahpih na hih man in na lung sim khek khe lou ding hi.(matt.1:18-25). Na itpen a mihinna khat kia hilouin a mihinna pumpi na it ding hi. Mihing kibukim lou ahih man in khalam leh salam a damtheihlou hikha thei hi. Damtheihna neite leng sungkuan a buaina nei om kha thei hi. Mihinna tuamtuam itna nunnemna, duh leh deih lunglut lam leh a dangdang na theih tam sem leh na itna khang semsem ding hi. A mihinna na theih na ding a hun la ding ahih manin na itna leng tha khat in khanglou ding a awl awl in a hun pai dungzui in khang dinga kip ,petmah ding hi.angmasial lou lou in itpen hoihna ding a khawl zaw hi(1kor 13:5) amah hoihna leh nopsak sang in it pen hoih na ding leh nopsak ding a khualzaw a huai tangtun na dia tan ngai a om leh a tan ngap hi.nang banah na sung kuante leh tanau a it dia a hih thei tan in na hoih na ding uh a khual ding. Itna a dohzou hi(1kor13:4) jacob in rachel kum 7 a ngak a it ziak a tomchik bang ahi. A sawt leh itna thuk semsem lai hi. Inn kuan sum leh pai mimal haksat ziak hileh leng a ngak ding hi. Na it deih lam leh utlam poimoh mah leh pathian, nuleh pate leh na mihinna zahtak in thil gilou apan na kiveng ding hi(1kor13:6) itna a hehpah kei a, hehsa in leng a om gige kei hi. Na itpen toh kithuzak kei le uh chin leng na niteng hinkhua buailou ding hi. Phone sms hon dong kei leh leng na thei siam ding hi. Na itpen bang a bukim lou ahih man in a chitlouhna te na theihsiam ding hi phetlou in a chitlouh na te na panpih dia a siam na leh hihtheihna te hoih sem deih in na han thawn zaw ding hi.