Zogam.com 14th Anniversary Chibai!
Khovel khantouhna pai kin mahmah a, kum 14 pai ta in computer zat ding zong nei lou in ki om a, a nei zong tam nailou hi. Cyber café ah computer zatman pia in ei singtangmi a dia masa pen, kumlui pen website Zogam.com March 9, 2003 in ana ki bawl khia hi. Ei Zomite khovel kil li a om te kithuzaktuahna di poimoh chi in, Zogam.com ana ki pan khia a, tuni a kum 14 bang mel i muhtheih man in Pathian kiangah kipahthu i gen ahi.
Tu chiang in social media tuamtuam Facebook, Whatsapp chihte a om nung website poimohna kiam deuhdeuh bang ta hi. Thu kizaktuahna kin ta mahmah a, tuhun a thiltung tuhun mah a khovel pumpi muhtheih leh simtheih in om ta hi. Huchi ahih manin website khat in a suahkhiak sese poimoh nawn lou in mimal khat pepeuh in mahni phone akipan in information thehzaak theihna tawita hi. Hiai in mimal mohpuakna lian sak mahmah a, information thehzaaktu leh simtu te a dia pilvang ngaihna liansak mahmah hi.
Hichi bang information dik leh diklou kithehzaakna khovel a i om lai in Zogam.com in ahitheitan in responsible media role play a, neutral tak a opinion form theihna dingin platform poimoh tak simtute a dingin bawlsak gige hi.
Tutan a tatlou a Zogam.com kum 14 bang i paitouhtheihna ziak uh ahih leh Pathian khazaakna nuai a member muanhuaite, articles tuamtuam hon pe gige Columnist leh contributors te leh admins tuamtuamte panlakna ziak ahi. A kuakua in Zogam.com iki neisak a, inteek dan a i om theivek pen kipah huai kisa mahmah hi. Fellouh ziaka a demtu ana om bang le Zogam.com ngaihnatna ziak chihna ahi a, thathak lakna dia kalbi poimoh mahmah ana hizaw hi.
Zogam.com in i society khantouhna ding ngai poimoh a, lam tuamtuam a kalsuan theih dandan in pan ana la hi. Hun paisa a Zogam.com nasep khiakte hiai link ah simtheih ding: http://zogam.com/news/notice-reports/1039-zogam-com-timeline-beyond-website-and-facebook.html
Zogam.com in information thehzaakna dingin channel tuamtuam ki nei a, huaite ahih leh - Website, Facebook group leh page, WhatsApp groups, Android App chih te ahi. Hiai channel tuamtuamte tungtawn a Zogam.com ah kisuah thu le la te ana sim tou gige zel dingin memberte ka hon ngen uh hi.
A hoihzaw sem deih gige aki hih manin, memberte akipan in feedback ka poimoh gige ua, admins te khat pepeuh kiang hiam ahih kei leh This email address is being protected from spambots. You need JavaScript enabled to view it. ah ngaihdan welcome ahi gige hi. Huai ka chih kawmkawm in tullel a feltaka admin dinmun hon seppih te min ka hon taklang ut hi: Mangkhum Tonsing, Biak Hanghal, C Lian Langel, Rimkus Ngaihte, Minsang Guite, Muan Shamte leh Son Ngaihte ahi uh.
Munchih a om Zogam.com member teng kum 14 chinna chibai ka hon buk uhi. Zogam.com damsawt hen!
Admins teng sik leh tang in,
Ginza Vualzong,
Founder admin,
Zogam.com
9th March 2017, New Delhi.