12th Anniversary Message
Amasa pen in kum 12 tan mel hon musak i biak uh Pathian (Yahweh) kiangah kipahthu i gen a, thupina teng amah i khusak ahi. Zogam.com admins ana hi kha teng leh members teng tung ah kipahthu ka gen a, nou te Zogam.com a dia khuam poimoh pen na hi gige uhi.

I nam a dinga website ki chian a om louh ziak leh gam tuamtuam a om Zomi te kithuzak tuahna bawl poimoh ngaihna ziakin 9 March 2003 in Bersarai, New Delhi ah Zogam.com pat khiak ana hi hi. Huchi in kithuzaktuahna platform hoih tak hong hi a, mi tampi te phatuampih hong hi hi.

Ei lak a dia website kumlui pen ahih ziak mah in luun leh minthang mahmah a, i gam leh nam a din zong thil phatuam tampi sem khia hi. Ainah phahtu ahih ziak mah in, Zogam.com in thil patkhiat leh amasa pen hihna thil tampi ah ma kai hi. Zogam.com activities leh nasepte hiah kim zaw in simtheih hi (http://zogam.com/news/notice-reports/1039-zogam-com-timeline-beyond-website-and-facebook.html).

Lam paam sik khiallou a ki om kei a, hun pai sa a hih khelh bang a ki nei sam a, tua te ziak a hon dem ut bang om uhi. 'Theikung gahpha suang a ki deng ut deuh' chih dan in, tamveipi suanga den in kiom zel mahleh, Zogam.com lamtouh zelna din huai suangte kizang phatuam tou zelzel in, kum masa in Zogam.com in Trademark register bang kineih loh hi.

Zogam.com in mailam ah mipi a dia phatuam projects tampi ki nei a, tua te sepkhiat theihna dingin i pankhawm uh poimoh ding hi. Members ten le idea hoihtak na neih te uh hon share zel dingin iki ngen a, nou te toh pangkhawm a i gam leh nam a dia thil phatuam te sem khawm ding ihi.

Bridging The Zomis chih thupi a zang ihih manin, Zogam.com tungtawn in mun tuamtuam a om Zomi te kizom

khawm in, lam tuamtuam ah ki unauna leh kituahna te tangkou pih a, khantouhna thu te kikum khawm a, i

pankhawm uh deih huai hi. 

Toupa vualzohna toh kum tampi Zogam.com in a hon muhtouh zel i lamen a, Zogam.com in ma hon sot zel i gingta hi.

Zogam.com damsawt hen!

Nou a dia sem,
Ginza Vualzong,
Founder, Zogam.com