Dah Leh Nop Tui Bang Ton

Poems | Thursday, 12 April 2012 08:53 | VzSiam | Hits: 1416

Simlei ah dah leh nop tui bang ton e
Nun i nopni mualliam e
Al bang dahni mualliam e
Nun i nopni hawmthoh hang e
Sunni lenkil kiat pallua sa hang
Tomte maimit siin kaal hi e
Al bang i dahni sunkhua sawt e
Zankhua zong lenkum kivei bang
Sunni lenkawl suah hai bang ngak hang
Nunnop lailung ah vai bang tham
Dahluat lailung ah lumsuang bang tou
Sinlai a vai bang thamsa lah
Mei bang theng nawnlou a aw
Sinlai a nunnop thelbang athoh ni'n
Lakmai nau bang nuihna'n zeel
Sinlai a dahluat thel bang athoh ni'n
Luankhi'n lakmai zeel
Kungtung dai bang peel nunnopna
Huan be bang zawlmoh hang
Kungtung tu ding al bang dahna
Gawl bang khammoh hang
Simlei ah deih chi bang i teelmoh e
Vaang in simthu sa e
Simlei a deih chi bang i teelmoh leh
Kungtu tu pai bang pom sin le'ng e
Eimah vaang pai bang pom le'ng e

-----------------------------

Leitung ah dah leh nop kiton in apai a, i kipahni hong tung in apaimang a, dahni leng tua bang mah in. I kipahni i hawmthoh a, ni tom i sa uh. Mitsiin kaal bangmai in i thei uh. I dahni sawt i sa a, zaan leng kumkhat bang in a sawt. I kipahnate leh dahnate lungtang ah a omden ua, a mang mawkmawkkei uh. I kipahnate i ngaihsut kiik chiang in i nui a, i dahnate i ngaihsut kiik chiang in i kapzel hi. Ei hon peel kipahna lah ei tung tu ding in i zawl theikei a, ei tung tu ding dahna lah i khaam thei samkei. Leitung ah deih i teel thei hetkei. Vaang (fate) in vai ahawm hi. Leitung a i deih i teel theihkei leh i tung a hong tute pomsiam kizil mai le hang la, i vaang pomsiam mai ni.