9th Anniversary Message

Site Admin | Hits: 1753

Amasa pen in ZOGAM.COM min in Chibai ka hon buk uhi. Pathian panpihna ziak in i website uh Zogam.com in kum 9 mel a muh theih man in thupina Pathian i khusak ua, amah kiang ah kipah thu i gen masa uhi. I website tatsat lou a hiai tan a om theih ziak users muanhuaite leh admins te kipiak zohna ahih manin, kipahthu users te tung ah i gen ahi. Maban ah zong pang khawm leh sem khawm tou zel ding in i kichial ahi. Tukum 9th Anniversary kum dang bangin mun tuam tuam ah zat in om nawn hi. Delhi mun ah i website melthak honna neih hi ding a, Mumbai ah MLA Election Prediction Contest Winner puanna om ding hi. Bangalore leh mun dangte ah discussion leh ann nekkhawmna sai hi ding hi.

Zogam.com in lam tuam tuam a talent neite a din platform bawlsak gige a, khovel pumpi muh theih ding a phou khiat mohpuakna in ngai hi. Tua ahih manin Zomi sung a talent hoih taktak neite'n kidaam het lou a i website manpha taka zang ding in i kichial hi. Tua ban ah ngaihdan zalen taka gen theihna mun ahih man in, kua peuhmah hiai zalenna pha tuam tak a zang ding in i kitheisak hi.

Kum paisa in i website uah thil thak leh khantouhna lam tuam tuam ana om a, tuate laka khenkhatte a nuai a bang in i taklang ding:

VPS - Virtual Private Server:

Kum tampi paisa apan in Shared Server ana kizang tou a, site server load hon puak zawh louh chiangin hong down sek hi. Hiai buaina pumpelhna ding in, users te khualna leh users te muanna in mantam mahleh Virtual Private Server January 14, 2012 apan in kizang panta hi. Hiai VPS kizang Zomi website khangthu a dia masa pen ding in chiamteh ahi. Hiai toh kisai in i website un sum muhna nei lou ahih man in, users te kipiakzohna kipoimawh mahmah a, kiphal a ZOGAM.COM panpih utten chik lai peuh in CONTRIBUTION bawl theih gige ahi. To contribute Click Here.

Lamka District Hospital Hahsiang na:

December 23, 2011 zinglam dak 9 lak vel in Zogam.com users leh Zomi net users te initiative na nuai ah "Bridging the Zomis in Sickness and in Health" chih thupi zang in Lamka District Hospital ah Social Work neihna om hi. Hiai Social Work DC nu leh Medical Superintendant phal na nuai ah sai ahi. Hiai hun ah users mi 40-50 vel pai khawm te'n hospital kim leh kiang hah siangna nei ua, toilet nasan hah siang sak ua, nitaklam kho mial tan na sem char char uhi. Hospital kong ah damlou te a dingin Christmas tree koih sak ua, tua banah a thuchah tuamtuam banner zong tak khia uhi. Ward chih a Nursing Stations ah Bucket Nih chiat koih in om a, Operation Theatre a ding khat leh, Toilet a ding khat toh. Huai banah mop (inn zutna achiang toh om te) ward te hahsiang na ding in, thum kipekhia hi. Damlou te Zogam.Com min in gift, Baltin (bucket) khat chiat pia ua dam lou tam tak te ki pahna mai a muh un na sem te zai tha neem sak mahmah hi.

Facebook Group:

Technology khantouh dung zui a ki-adapt touh zel poimoh a, Facebook hong laar mahmah toh kiton in ei Zomite zong mi tampi in kizangta hi. Computer zat ngai sese lou a Mobile Facebook tungtawn a kithuzak theih leh houlim theih ahih banah khangthak tampite lunglut na ahih man in, Zogam.com in zong poimoh sa in ZOGAM.COM Facebook Group tarik 16 October 2011 in kihong khia hi. Tutan in member 4,600 val pha in, houlimna topic tuam tuam pai tou gige hi. Zomi sung a Facebook group lak a member tamna pen ahih ban ah houlimna ahoihlam a kiselna 'hot' thei mahmah hi. Hiai facebook group enkol ding in site users muanhuaite lak a kipan Group Admins kiguan beh hi. Group admins ten facebook group moderator hihna feltak ahon lak touh sak man un amaute tung ah kipahna lian mahmah hi.

SSPP GHQ. HONOURs AWARD (Literature & Social Service):

Zomi te adia poimoh mahmah online media thupi tak patkhiak ziak leh gim leh tawl khawk salou a nasepna te ziakin apaisa January 13, 2012 in SSPP Residential Complex, Ngathal ah SSPP GHQ in i website ZOGAM.COM tung ah SSPP GHQ Honours Award for Literature and Social Service pahtawina hon napia uhi. Kum 9 phial nasep tat louh a kisep nung a recognition hon pia SSPP GHQ te tung ah Site Admins te'n kipah thu ka gen uh ahi.

Kum nawn hong hi leh i website uh kum 10 a upa hong hi ta ding a, 10th Anniversary thupi bang thei pen a lop i sawm ding uh. Pan theih na lam chiat ah pang khawm tou zel ni uh.

ZOGAM.COM in ma sawn zel hen la, ZOGAM.COM dam sawt hen!

Nou toh semkhawm,

Site Admins,
ZOGAM.COM