ZRO heututen Interactive Program nei uh

News in Zokam | Wednesday, 18 July 2012 15:14 | Site Admin | Hits: 646

Lamka 18 July 2012. Thutut ki ngah dan in tu zingkal dak 7:30 in Grace Bible College, New Lamka mun a ZRO heutute toh Lamka a Church Leaders, Civil Societies, intellectuals, Tribe Leaders leh adg adg te toh Interative Program zang khawm uh hi. Hiai hun a ZRO advisor Pu K. Guite in keynote address na nei a, mipi 200 val pai khawm ahih dan thutut ki ngah hi.

ZRO President Pu Thanglianpau (Sia Pau) in a thugenna ah tutung pawlpi hihsiat/coup sawm tawh kisai nounel takin gen a, hiai buaina a omna ziak te Autonomous Hill State Demand  neutralize sawm ziak, power leh greed leh mimal ki kal a grievances nei khenkhat te ziak hi deuh in gen hi.

Zomi Council Chairman in thu a gen khit in Rev Kamdou in a thugenna ah Zomi in ka piang a, Zomi in ka nungta a, Zomi in ka si ding chi hi. Hiai zoh in Pu Thangkhangin in thugenna a neihna hi chi in chi hi " sagih vei election ah ka lawhsamta a, himahleh ka mi nam itna ka khahsuah tuan kei hi...".

Rev Khaizakham in a genna ah Zomi ten i nutsiat di thil 3 a om a, huai te Zu, Zuau leh Zahmoh a chi a, tua banah i zuih ding thil 3 te Sacrifices, selflessness leh services chi hi.

A tung a te banah Rev B Luaichinthang, Pu Nehkhojang ten zong thugenna nei uh hi. Mipi hong paikhawm teng toh heutu ten an nek khawm na nei uhi.

Tua banah hiai buaina tawh kisai ngoh a om Pu Pumzanang innlutna/ngaihdam ngetna tu kiginna paisa in ankuang ana lui ta hi.