News in Pix | MLA/Minister & MDC Joint Tour

News in Picture | Tuesday, 05 June 2012 14:17 | Joy Ngaihte | Hits: 828

CCPur dist. sunga khawpi a omte’n damtheihna dinga hamphatna angah bang uh ngah phaloute zongkhia a panpih dingin apaisa May 22, 2012 zingsang dak 8.00 in Phungzathang Tonsing, Minister(Health & FW, GAD & CADA) makaihna in Chaltonlien Amo, MLA(Tipaimukh A/C) leh Chairman/HAC; Vungzagin Valte, MLA(Thanlon  A/C); Ginsuanhau, MLA (Singngat A/C); LB Sona, Chairman, Zomi Council; Langkhanpau Guite, Chairman/ADC leh EM/ADC mi  3 telin MDC 11 banah official tamtak leh Doctor/Nurse  te’n Joint Tour leh Medical Camp kithuah nei dingin, Tipaimukh road tawnin Thanlon zuan uh a, huai apan Parbung leh Songtal banah Singngat ah giak in huai khuate kikal a khaw tamtak ah Free Medical Camp leh Public Meeting neihpih uh a, mipite poimawh tamtak pholhsuah in May 26, 2012 nitaklam 4.20 in New Lamka a Minister tenna inn Salem house tungkik nawn uhi.

Hiai Joint Tour ahihleh Manipur Hills district dangte aleng om ngei nailou hi’n kigen a, eilak adia leng amasapen hipha hi. Khaw tamtak ah mipite’n Free Medical Camp  ahamphatpih ban uah, Joint Tour team te’n a sikkhak uh khawteng huap a kihawmkhia, damdawi tela vanzat tamtakin khawsakna haksa leh, damlouh-hitan ziaka lungkham mangbang a om, innkuan tamtak adi’n lam-etna thak tun hi.

Phungzathang Tonsing, Minister(Health & FW, GAD & CADA) in khaw tamzaw a, athugennate ah i gamsung naktaka puahthak hiding in gen a, mipite haksatna sel vuallouh mit mahmah a, amuhkhiak ziakin khawteng phialin thil tuamtuam ngetna a memorandum apiakte uh etkai sak dingin chiam a, khaw bangzah hiam ah leng akilang thamching deuh, nasep khiak ding a gente ziakin Joint Tour in gah thupitak asuah ngei leng gintakthu kigen hi.

Click here to go to full Album Gallery