Zuang Samlou na hiam?

Zoson Saulim | Friday, 02 March 2012 23:53 | David Naulak | Hits: 1397

“Siam, nang lah na hi a, na dam zelzel maw?” chi’n Meetei  Leikai ah nitak lam teng a ka va tutsek na mun ah Siam leng round table conference nei a tu ka muh in ka houpih pah hi.Amah Siam nidang pek a pat ka theih, biak inn khawng a Tuailai makai hoihtak a kizang ,  kei Delhi a pan innlam tungphet Sekmai special dawndia ka va lut a , amah ka muh lamdang samah ka hi. Ana tusa lawmte theih inbel Siam hiai Ibawk inn ah maingal mahmah hihtuak hi. Ken leng thawl khat sam in Phailian bazaar a ka voksa ngoi ka lei toh amau round table ka va join pah hi. Zu dawnte khawng hon musit sim na di uhchin ua, a dawnlou te sang a ka kingaihnatna leh kiduatna uh thupi zaw ahi, neek ding neuchik ombang leng Thanghou Liandou mimtang kiphel hawm bang dek hial a kideihsak a kihawm tittit  ka hi uhi.

Vaite’n hon loh gawp uh hia, ka round table member pihte sang in kei ka paunuam zaw mawk a. HIai Siam bangziak a zu dawn ahia chih lamdang ka sa lailai hi. Ei khawng bel a sual himhim kihi a, amah bel biak inn a kha mangthang vei a khitui nul theite ahihchiang in lamdang sa mahmah ing. Zi bang leng dan a hoihtak a nei ahihdan orkut a lemlak ka muhsa, till death do us apart chih bang album min hizaw mah lai  hi.

“Siam , ta bangzah neita e? A hoihhoih na uh maw?” chin peg khat ka dawn zoh ka dongta hi.
“Khat “chin hon dawng nual hi
Ken leng “ Class bangzah hita ?”
“Class two, kidong nawn dahni maw guai” hon chimawk a..
Eh dotna diklou amaw chin ka kiguih hial a,Ka kiang a tupa khat in”  azi ngailu a ahi a lungkham ahi, bangmah genpih nawn ken’ chin hon bilhilh siausiau hi

Oho lungkhamna a neihziak a zu mun a lut eive ka chisim a. Zu I kham sung  zaw lungsim  nuam niania thou eive! I  ven chiang in a ngei mah bang thou a, himahleh lungsim gimlua kisa te ading in tomcik lungnop zaw manpha zel eive maw!

Siam in ana zagu a” Zoson in a theihnai louh ziak ahi. Kon gen dia, hoihtak in ana ngai aw.Ka thugente miten sinlai a lakna ding a non gelhkhe di aw”  hon chi hi a
“Tham e, hon gen aw “ ingai di chin vok ngoi beu khat Siam ka pepheita hi.Huai hon chihmawk , kipaklaw mahmah. Chetan Bhagat laibu ka sim a taktak hong bang dek mawk a!

Huchin Siam in a tangthu hon gen panta a..

Zoson , hiai mun a non muh lamdang nasa maithei , ken leng lamdang ka sa . Nidang in zu lei ding khawng a na pai dawidawi lai in ka honna vei thei mahmah a, thumna ah leng ka hon thumpih tham hi. HImahleh kei noute hon awlmoh itu pen leng hiai mun a kimuhkhak vangtah huai ka sa .. Ka hinkhua  ah hiai bang dinmun ah kimukha ding chih ka gingta kei,himahleh iim ding a om kei.
 
Neulai a pan innsung ah Pathian thu ah kisinsakna hoihtak nei a khangtou ka hi . Ka nulepan zuau genlouh ding , thilsia hihlouh a Pathain laudan siam a hinding chih hon sinsak ngitnget uh ahihman in ken leng ka zuih theih tan ka zui gige tham hi. Tuailai Pawl ah leng  ka hahtel mahmah a,Pathian gam nasepna ding chi in ka na kizang tou hi. Chiristian innkuan piching bawlding ka lungsim ah om gige hi. Nungak khat love at first sight chihding in ka muhni a pan ka hoih ka sa pahmai hi. A  contact dingdan zong in amah ka houpih pah a,  hun sau hallou in itna simthu ka gensuk pah muatmuat hi.Aman bel kitheipan a ki it chihte gingta pianlou hisim hi. Himahleh ken hahgen luat ziak hiam maw ,a tawp in aw “ Khatvei beek kon ngai  hon chive maw  “ chia ka nget ngutngut leh “ awle, kon ngai law petmah Usiam” hon chituh ka lungsim a kipahna in van bang in sang hi.Huchin Saptuam in a bawl daan “Siangthou” kichi in kitenna ka na nei uhi. Ka kiten zohnung in ka zi ka it deuhdeuh ai, ka hinkhua ah bukimna lungsim khat ka neihi.

Sepna toh kisai a khualzin a ngaihsek  a, Ka zinchiang in ka zi bang ka ngai thei mahmah a, phone in houpih theih ahihnak leh ka houpih khial ngei kei hi. Vualzawlna in tapa khat piak in ka om a , ka lung a kim mahmah mai hi.

Inn naa sepding leh naudon hun chiang lou ngal in  ka zi  in timepass na ding in  in facebook  ah ana online zel hi. En lah office naa toh kibuaisim den ahihman in huchia achimthawina ana neih theih chin  hoih ka sakpih thou hi. Friends khenkhat a bawl a, a kihoudan khawng ann nek hun ah hon gen zel a, nuamsa hi a katheihman in a ngaikhe tu in ka pang zel hi.

Nikhat  ka zi lawmte hong hoh uh a, a kihoulim lai un net ah ticket en ding in net ah ka va tu zenzen hi. Huchin facebook taw ah thilkhal hong san vilvel a , ka etleh message khat “ na pasal kuankhin ta hia Kim’ chih hong dawkkuau mawk hi. A min ka etleh ka seppih lawm hoih mahmah khat ana hi hi. Hon lung himoh hinteh chin “ kuandia kisa lel” chin ka zi dawn tang in ka na dawnkik sak hi. Himahleh katerese maizen…”A hoih e,  ka hong hoh phei pah ding” chih message hong om mawk a. Ka shock lawtel a. laptop bang ka khup zot zezen. Ka gingta thei mahmah kei a, tak simthu hiam maw !

Huchin ka  sign out sak a, ka lungsim a nuam kei mahmah a, himahleh ka kilangsak hetkei hi. Ka om louhkal a  ka zi ana chezek ahi maw?Ka seppihte khat  ahih chitchiat sese in ka lungsim a nagu sak tenten hi.

Khualzin dingdan in ka kuankhia a, himahleh ka zinta kei, very filmy type thou chi aw! Muanmohna lungsim ka neih pen  theihchet ut in ka inn uh ka guuk  gaal et ta mai hi. Maizen! Ka  mitkha hia , a tak simthu hiam chih theihlouh in ka seppihpa ka innsung ua a lut ka mu taktak mawk hi.  Lohding dan lah omtuan lou ahihchiang in  ka zi ka phone a, ka zinna ding mun tungta ka hihdan ka khem hi. Inn ah nau don, hon miss mahmah ahihdan khawng hon gen zaw mah lai chu.. HIai bang a khem chai dimdem a ka om lungsim natdan gentheih ahi kei hi.

Richard Gere film the Unfaithful bang dandeuh hileh ka seppihpa vuaklup  ka ut mahmah hi. Ka seppihpan bangzahta a hon na guik nuihsan ding hiam ka chih chiang naa ka sa mahmah hi. Ka zi leng bang hang a hibang ana gamtang hizenzen hiam ? Kampau neem taktak a itna thu hon gen ngutngut khawng  zuaua bulom ana himaimah a! Khem chai dimdem a  om ka hihdan ka muh in  heh lawtel in ka tha a thak a, ka lu bang sa vitvit hial in ka thei hi.

A nitak lam a kiknawn in hon zehphi san tenkhop ngaihna om in ka theikei hi,kikhen ding lungsim ka satpuk ta hi. Bang hang a ka itna nelsiah a hon zehphi san mahmah  hiam…? Huchin ,ka ze dot a,a ki im zawmah lai hi. Lampam sikkhial lou zaw kuamah omlou a, kisik in sulhong hei leh ngaidam nuam na maizen ing e..!

Zaan in ka kiang ah innocent takbang in alum a, ka en a, ka itna teng huatna in bei hiail in ka thei hi. Hiai mihuknu thah a,tem lak a satzaan dimdem di nangawn bang in ka utphial hi. Idi Amin, Uganda mihuhampa bang ka mohsa hetkei hi huai huntak in..
Kei chitlouhna hang a hon zehphi san hiamchih bang ka ngaihtuah a, kibawl hoih theihna ding lampi om zenzen leh chin nitak khat ka dongsuk guap mai hi. A pom ut hetkei a, hichibang a non ngoh chih hong kisiam tan deuhvel mawkl hi. Ka hehlaw mahmah a, kam in  gen thei nawn lou in khut hong kingang zaw mawk a,  ka zi ka su puak bekbek ta mai hi. Na salua ina kikou tuaituai hi.Huchin amah leng  inn pan ataikhe a.Koi a pai hihiam chihleng  ka enzui nawn tuan kei, a  tut suak leh poisakna himhim ka nei kei hi.

Huchin buaina khukpi nei ka hong suak ta mai hi.  Kenamah zehphi a a ngoh, aman lah kei mi huham hon thah tum ahi chin  hon hekta. Kihekna nasatak hong om a, kua dik, kua diklou chihte omta lou in pan theih nana in ,kigen siat theih nana in family court ah gen zial zial himai ta hi. Kigawmnawn ding simthu chu utdek suailou ka hihman in kikhen ka hong hita mai uhi. Keipen a khut kha, zite vua suak ka hihman in a mohzaw ka suakta mai hi. Huchin sih tanpha a kiteng dia kichiamna tangtung lou suak maimah ta hi..

Huchin zi ma ka hongsuak a, saptuam in  circumstances ngaihsun lou in outcome dan a vai hon hawm chiang un kei danpua hon koih zawmah hi. Zi dang Saptuam dan siangthou a neithei hetlou ding ka suakta hi. Tua ziak in kei leng saptuam lak a tel  nuam ka sa nawn kei hiai hiai a , huchin ka gam lat deuhdeuh hi. Zu mun khawng a poisak nei hetlou a om khawng  nuam ka sa zaw maimah ta .

Ka ngaihtuah kikchiang in ka zi in  khatvei beek kisik in ngaihdam hon ngen leh ngaidam nuam lua zaw hiveng chih ka ngaihsun lailai hi. Ka itna a bei tuan kei mahleh ka ngaidam thei mamah kei hi.Ka zi ka naak itluat pen kei bahna leh hatlouhna khat ana hizawdaih  a bang hi. It luat man a gin omna  neidia ka  zi  ka lam et pen lametna sanglua ahitel ding a hia? En himhim ve!Ka tapa kum nih lel, tagah suak maimah eivoi, Nu neilou ahi zenzen kei , himahleh bang dia nu itna tangkha lou hiam chih ka ngaihsut  chiang in kei mohna hang ahi. Lehkik thei hileng ka ta ka itna ziak liauliau in lunggel dangkhat ana nei ding zaw hiveng..Tui bawsa lah kiluak kikthei lou a!

Tua ziak in Zoson aw—lungkham leh beidong tawpkhawk na kisak hun om ngeingei leh,  nang lungsim theihsiamna ah  kinga mawk kei in. Nang sang a taltak zawte hon hilhna  diksa kei lechin leng  mang  himhim le chin hinkhua a kisikna tawmdeuh kha ding ahi..Na ngaihsutna ah its over na chimaithei, himahleh thei gige in, its not over over yet but  its only the beginning!

( Feb 20 Zomi Nam Ni Kolkota Airport ah dakkal 5 bang ka connecting flight ka ngak mawk leh chimhuai lua a timepass na dia ka  gelh mawk ahi, vai film MURDER kichi khawng a pan ka ngaihsutna hong om maimai, substance based a gelh hilou phuahtawm taktak ahi, .)