Sisa thounawn Pu Facrice Muamba

Vanlallian Valte | Saturday, 31 March 2012 20:40 | Vanlallian Valte | Hits: 1594

SISA THOUNAWN PU FABRICE MUAMBA, HONG DAMSIANG MENG IN
 
‘Anazong a branded ngen dawn, chihtel le!’ chiin singpisan ka awm hi. Chini soh lou in chi tawmchik leh ka nau Chiinnu in khongmakeu hon hop ka telh a, him timtiam vanglak hi. Zennu’ cellphone bang dia ‘not reachable’ nilouh a zenhouh a?
Meivak pai gina viau kei mahleh, Vungnute ‘inverter’ ah a batari va thundim lahlou hiv’aw…  Network mumal lou hi zel tel ahia hia leh?  Ngaih tongdam nem saan but louh ziak leltak a nitak ankuang limsak lou hi dekneng khang. Gongthoihna (kamram) hahbawl diin le hon ging kei un.  Ngahtuah di tam lua hi tuanlou pi; mun khat ah a lompai chihthu ahi zaw.
 
Khattang kisaa melmuh tongsan ka tohhing leh; Futbol kimawlsiam zatam laia kei ngaihsang khat, Bolton Wanderers’ midfielder Fabrice Muamba damlou: heart attack in puksia chih thu:  puang khu vengvung uhi. News channelte thupuan
deihkhop lou in internet ah ka kullut hi.  Thanlon bial lama papi khat in tuilou lian lou khat nei hiven, mite’n “Na tuilou tangkuangte thuk thei deuh hiau hilou hia?” a chih ua leh aman, “Hiai bangzaw thuk huntawk lou bawn ahi aw.  Nagaland lama tuillou te thuk dandan chu, buhsuan di le lilut vengveng uh ahi” chi.  Kateii!
 
Muamba toh ka maivun rong uh kinaih sim ziaka ngaina ngot ka hi kei.  Ball kimawl siam in ngalhat hi. Siamsinna lamah le kiva mahmah.  Walthamstow a Kelmscott School pan in ‘A - level in mathematics (with A - Grade), French & English’ ngah hi.  Subject baihlam a sak teng telkhia hi zawmah!  Khami uh: A insung uah Kris nungzuihna in mun poimoh tak luah hi.  A nu leh pa’n Biakinn kai di leh hinkhuaa hun haksa maituah ding dan te zilh chimtak lou uhi.  Muamba in zingthoh chiang in Lai Siangthou sim gige. Mawltual a lutma teng in thumna nei.

Muamba naupang neuchik ahih lai pan in Africa Gambuppi sung a: Rwanda, Angola, Liberia, Sierra Leone, Cote D’Ivoire  
leh a pianna Zaire (tua Democratic Republic of Congo) gamte guerilla war huhamtak in nuai hi.  Muamba’ pa Marcel ahihleh, dictator President Mobutu Sese Seko dia adviser ahi.  Mobutu langpang pawl in a suizui nasat luat ziak un 1994 England ah galtai hi.  Kum nga nung in humbitna piak in om a, a sungkuante’n va belthei ta uh chihna ahi.  1999, Muamba kum 11 lel upa ahih in England ah khosakna panthak diin tuibang gawm uhi.  Huchiin sihna, kialpi leh maban bing kipan in suakta ta.  

2008 in The Daily Mail te toh Muamba a kihoulimna khat uah a hunpaisa hichiin gen hi: “Haksa, nak haksat lua.  Tualgal ka mu.  Mi tampi sihsual ka mu.  Huchibang kar ah ka hong khanglian.  Mulkimhuai thei lawmahmah! Kikaptuahna mun leh kidouna thawmgingte, ka tenna mun uh toh kigamla hetlou hi.  Ahialah, ngeinaseh suk mai theih nam hilou hi, abiktakin zankhang a thaukap gin husa mahmah!  Laidip hon khawng petmah.  Sih lauh ziak in futbol kimawl diin ka diangdok thei nawn kei uhi.  Lawmte khenkhat in liamna tuak ua, damzoulou a hon mualliam san le om hi.”
 
Awle, 17 March 2012 in White Hart Lane ah futbol FA Cup quarter final kimawlna Bolton Wanderers vs Tottenham Hotspur om hi.  1st half beikuan, 41st minute a score: 1-1 ahi. Thakhatin, Muamba khophawklou leitual ah puksuk.  Paramedics te’n hun bangtan hiam a etkol nung un, ambulance in London Chest Hospital ah pua uhi.  DDI tunma minute 48 leh puaktun nung minute 30 sung, a lungphu leh a hat khawl khinta.  Gendan dang in gen le: A sihnung minute 78 chingta!  Himahleh, “Lamdangtakin” Muamba hong nak nawn!  Confederations Cup 2008 ah Cameroon leh Columbia te kimawl lai in, Cameroon kimawlmi Marc Vivien Foe (28) ana puksia hi.  A mah bel, vangsiathuai tak in mitsi paisuak.
 
Khua vannuai a Muamba ngaisang gingtute sapna aw Toupan bildoh a, hoihlam manoh tou zel tadih hi.  Hong damsiang meng henla, minute 78 sunghilhial lei taksa a nawsiah hun sunga a theih, zak leh muh (nei ngei di hiven) khempeuhte, a testimony Siamtu min thupina diin hangsan takin hon puangkhia leh chih bang nakut-huai lua hiin maw!  Tulel a Fabrice Muamba’ CV hiai bang ahi:  Age : 23, Place & Date of Birth : Kinshasa (DR Congo) 06 Apr 1988, Position -: Midfielder, Career appearance : 201, Under 21 caps : 33, Nationality : English, Clubs pankhakna : Arsenal, Birmingham, Bolton Wanderers.

Ka handset : Tring!
Zennu         : Hello! U Lian...la hak na chia!  Ko’ om?
Kei           : Hi! My dear...na bzee den tel a, kua toh kihou na?
                     Bang chisim?  Activa ka deih e?
Zennu         : Ngaih aw na paukamte a khasot ngei e, na lungsim        
                     diktak hon hilh kichian mai tanla...
 
(Heiha! a kidik ta ve!  Kou lawmta mahmah! Ki-ki-ngik-ngik!)