Khualzinna Gam Hiai Leitung Ah!

Upa N Chinsum | Sunday, 04 March 2012 17:07 | Upa Chinsum | Hits: 1309

Laphuaktu khat in, ‘Khualzinna gam hiai leitung ah...’ ci in na gelh hi. Dik mahmah. Tu kha paita, February kha a Nipini 4 (li) omlak ah 2 te Delhi pua zinkhiakna, 1 (19/2/2012) a hampha Pasian mite tawh kikholhkhawmna ‘biakinn’ ah leh Nipini 1 Delhi khawpi sung sepna/ nekzonna mun ah cidan a thil apaileh tua hun sung in zilkhiak, Toupa hon piina leh sinsak thu bangzahhiam om hi. Simtute, tawm hong kum nuam ing.

05/02/2012: Allahabad khawpi ah. A Seppatni (6/2) a court case (contempt petition against Chairman, UPSC) hearing om di tawh kisai lai poimawhte UPSC’ Ukil vape diing leh hearing hun a vangaikhe sam dia sawl a om ka hi. Vanleeng omdan zil a ofis te’n ticket hon laaksak uh hive’n 4/2 a Allahabad tung, 7/2 a hong leengkiik. {Theih maimai di’n: Allahabad khawpi in airport khat nei a, tua a vanleeng leenglut/ leengpawt omsun AI 9811 & AI 9812 (Boeing neute) ahi. Sunday flight service omlou hilai! Allahabad airport tawh teh di’n Imphal airport bang tuh thupitak aleuleu vo’i}.

Tua’ Nipini (5/2) hun-awl piikpek, eilam (Northeast) fellowship nei omleh vatel sam di ci’a kan/ dot theihna, mimal muan tuamtuam kan nung in tua cibang Khristian kipawlna Allahabad khawpi a omlou takpi adia’m cih di’n om <khawpi tenga omsuakta i kicih/ kisak leh, na hihiallou ahikha diing>. Tawlngakna UP State Public Service Commission guesthouse room no. 8 a tu hit-hiat, TV remote control zanga channel te khek zatzat leh ‘GOD TV Channels’ vamekpawt kha. Wow! Sermon, hinna chawm taktak hunkhop ngai. Biakkhawmna khattei a vatel khathei hita mawng le’ng zong, tua ni TV tungtawn a khalam an ka ngah zah (spiritual feeding) ka ngahtam... cih di’n TOUPA Kha vehna leh ompihna tang ing. Toupa hoih hi.

God TV Channels, lungluttak leh hunpia-a ka ngaih taktak pat ni le ahihim a. Bill Winston in “Understanding the Supernatural” cih pansan a hon genna ah: The resurrection is not a place, it is a person (Jesus Himself); When you are having faith, Faith possessed you and it has influenced upon you; Remove the stone of doubt, stone of hatred, stone of enmity, so on a so forth from your life.. ci. ‘Get the word of God and it will raise you up’ zong cilai hi. A pansante lak ah Job 14: 7 & 9, Matt. 27: 51 & 53, Marka 3: 27, Rome-te 8:11, Eph. 6:12 te tel hi. Hih Pasian zat (instrument) mipa, www.billwinston.org ah kituahpih theih zelzel diing. Aw?

Thugentu dang khat ahihleh John Hagee ahi. JH in “A laitak a Jesu om Nupa Hinkhua” cih lampang gen <Gen 3: 16, Johan 21: 9-14, Eph. 5: 23, I Tim 2: 12>. A’ thugen lungsim lawng mahmah khat, pasalte a cihna in, “Submit yourself to your wife’s needs” cih ahi. Ji te pasal te’ lak (lordship) a kituklut diing, pasal te’n ji te it diing, tua it i hi cih latsakna-a a’ poimawh/ taksap uh seemkhe dia kituklut (submit) ngam diing..., HINA NGUT E! JH Ministries tawh kisai kimseem www.jhm.org ah lut in kimu/ kingah thei hi. TOUPA thupha!

12/02/2012: Combined Defence Service Exam (I), 2012 Inspection bawl di’a Imphal Centre a sawl a om, 10/2 a Imphal tung, 13/2 a Delhi hong tungkiik thiaithiai. 10 & 11/02/12 nitak Pa Thang (Dr H Kamkhenthang) te inn, Paite Veng (Kwakeithel) a giak, amah leh Nu Niang (TZN) tawh houlimna hun hoihtak mu. Nuam. Imphal tunni nitaklam in Pa Thang in ‘Hauzel Brickfield’ hon va-etpih, ettham e - tha ngah ing! Hun-awng kallak ah DS & FS, EBC Imphal Division ofis leh Pu Stephen Nangchin’ inn vapha thei. Huai vengsung a om Lee Faith Home ah zong vadaak, Co-ordinator (Pu Lalginlian) leh Warden (Pu Tuanchinthang) te tawh, a tenna mun tuak ua TOUPA min a hun saulou zangkhawm thei zaw-mah lai. Hiai Home ahihleh Upa Phungzathang tanu, Pi Khumi Tonsing’ vision leh burden tungtawn a pat leh zuuntouh a om, sanggah-genthei mi bangzahhiamte’n noptuamna leh khawsuahkhiak kipatna di’a a na zat taak uh, leh zat touh lellel lai uh, skul fel litlet khat tawh kithuah ahi. Toupa hoih hi.

NIPINI (12/2/12) CDS Exam sub-centre 3, h.t. MPSC Exam Hall, DM College of Arts, leh DM College of Science te ah feltak in pai. Paper thum ngut hive’n, exam paisung in MPSC Secretary, Pu Norbert Disinang (Centre Co-ordinator, CDS Exam zong hikhawm) tawh topic tuamtuam houlim in a pindan ah hun na zang ung. Pu Disinang ahihleh JNU product, CSE gelhcing ngei (IPS mu, lalou!), banking service lam a luttou, SBI a seem kawma MPSC vaisai exam (MCS) gelhcing, la, IAS confer a omzouta ahi. Answer booklets etc te hon lakhawm ua, ahi, Imphal centre attendance a sekei. Imphal Post Ofis a speed-post mai di’a saifel khit ahih in 6(PM) pelta. Lamphel lam zuan, ka nuphal (Pa Kaphnun, Manipur Express’ correspondence) te’ inn a kikha sak. Tua ni sun a kikhawm manlou nitak biakna kikhop laplou lai. Huci kawmkal ah –

Singpi dawn di’a cial a omna Dr Thathang Vaiphei inn, Lamphelpat ah nitak-an nekzawh in ka nuphal tawh va lengla ung. Ngaihnat lawm khenkhat cial/ zot (sawn)te lak ah; U R. Sanga, U Jamchinthang @ JC Mangte leh naupa Khamsuanthang te hongpai thei ua, U Thathang inn a na om lawm Lamkhogen (Zillai GHQ president), lawm Zabiaksang (social worker) leh inntekpa (Dr TT) teng tawh an informal meeting cum sweet hour of prayer (mass prayer) zangkhawm thei ung.  TOUPA min a kithuahkhawmna (an inter-tribe/ denominational fellowship in His Name), viz; muhdan, theihdan leh ngaihdan sunkhawmna neih zelzel diing hitah e... cihna kinei, maitai tak ciat in 10(PM) in kikhen ung. Manpha e!

A zingciang (Seppatni) I.A. 5PM flight, Delhi zuan a tuang, TOUPA hehpihna tawh Delhi pii-tung a om. Tunnung a tancin, lawmte a kihilh leh lawm ZBS in, “Good. It was nice to meet you. Very inspiring and significant was our meeting. Looking forward to meet you again. Good night” hong ci a, tha-thak honggot banah, ihmut limtakpi hi. Ji leh tate’ siang tungkiik kihi nawnngal in maw! TOUPA na hoih hi n’ong kem lailai...

19/02/2012: EBCC biakinn, Dwarka Delhi ah. E, khai, Sound/PA system lungtunhuai law-ta akei maw! Projector tawh pang a biakna leh phatna piitute’n la honpii uh, Local Pastor Rev Lian in thugenna “Nungzuihna leh Thumna” (Sam 143 pansan in) hon nei; “TOUPA eidi’n hoihna e...” lungsim tawngnungpen apan cihcih in a-om. FMPB tungtawn a TOUPA naseem Ms Donzachiin, ADC/CCpur Chairman Elder Langkhanpau Guite & a’ ji Shinghoihching, ADC/ CCpur EM, Pu M Gouzamang Guite leh TOUPA ngai-a dangtaak mi hunkhop tak kikhawm. Kikhawm tawp in biakinn hulliap ah Pastor Lian, lawi-upa khenkhat leh zin-le-leengte, singpi dawn kawmin houlim nainai. Nuam. Hiai ni a biakinn kai mi, Usher te’n a simna uah 220 suah uhi.

26/02/2012: Office a meeting poimawhtak <26-27 Feb 2012 sung> om ziak in, khualzinna gam Delhi ah, Nipini nanung (26/2) Dholpur house, Shahjahan Road ah zang kha ing. Hicitan hon makaihtu TOUPA ahi. Nang hinna, kei hinna, leh i gamzaang ah JESU lianbelta hen!

“Pilna leh theihna thilhihtheihna in,
Mihing tengteng in Amah phat chiat le’ng leng,
Ei dinga A’ hoihna genseng kei ni,
Tangtawn genseng kei ni A’ hon itna.”
(David E. Jones)