SAMSON' NU

Light House | Sunday, 24 June 2012 04:28 | Joylie S Thang Lien @Hauman | Hits: 782

Kum-le-kha, tondan kibanglou, leh pau tuam tuam in hon khen hang in, Samson nu toh Ka lawm hoih khat in Samson leh anu-le-pa haksa tuah te, kel noi a dawn dante uh, thil tampi kibat na nei uhi.

Ni tamlou paita in kalawmte khat toh kimu in Bible sung a Samson tangthu ka kikum ua, huai ah Samson hindan leh a tapa hindan ka gen khawm(tehkak) uhi. Hiai ah ka lawm nu tuh Samson nu bang a thu hilh in a om kei a, Samson nu tuh Angel in tapa aneih ding thu hilh a amah tuh“Nazareth mi, piandan a Pathian a dia teltuam” ahi ding hi. Huaiziak in, “phillistian te khut a pan Israelte hon khe ding” ahih dan te a zak hun a akisakpih ding dante muh theih in om hi. (Vaihawmte 13:4).

Samson nu kiang a bangchitan a Toupa nna hon sem ding hiam chih hilh hikei mah leh, aman atapa, apa bang a heutu hihna hattak, theihphak tham a mohpuakna ahon lak ding a thei hi. A pasal bang in a tapa’n leng hat hinapi a daidide a, sila bang in kiniamkhiak na lungtang nei hi. Amah,(anu) leng Samson nu bang in atapa Toupa nasem ding a khankhiak sak ding lungtupna lianpi nei hi. Amah Angel in a hopih kei a, himahleh laisiangthou leh Paunakte 22:6 a thuchiam omte nei hi “A paina ding lampi ah naupang chil in, huan a upat hun nangawnin leng huai akipan a paimang kei ding hi.”

Samson nu in Angel thugente alet chinten bang in, aman leng hiai laisiangthou a lenchinten hi!

Tu in hiai naupangpa tangthu gelhkhiak in ana om kei hi. Himahleh, Bible sung ah bungkhat bung nih sung hiam a gelhkhak ana hileh Vaihawmte 13:24-25 “Huan, numeiin Tapa a suangtaa, a min dingin Samson a sa ua: huan, naungek bel a hongkhang liana, TOUPAN vual a jawl hi. Huan, Zora leh Estaol kikala Mahane-dan munah TOUPA khain a hongkhoih halh panta hi.” bang a simding om in a om ding hi. Toupan a tapa tuh deihthoh huai tak, ngaih huai, nekding neiloute hehpih na nei mi, thawmhau leh theisiamtheiloute hehpihna, leh bang hitaleh ngaihdamtheihna nei in vual zawl hi. Tuailai a hih hun in Baptisma a tang a, huan Amah nna seem ding a lunggulh nate ana theih pih den hi.

 Alehlam ah dan-le-mual kalhna, thukhelna thil kham – Pathian phawklou numei, zu-le-sa, leh hinkhua amah leh a insungmite a ding a manna a zatna toh kisai laisiangthou tehkak pih ding leng a om sam ding hi.

Huaiziak in amah (anu) a ding in Samson’ “…Timna khua ah, Philistiate tanute laka mi numei khat ka mua: ka ji dingin honpi sak un…”(Vaihawmte 14:2) achih lai hunte a amel latdan leh a aw-gindan te ava theih akul kei hi. Amah(anu) in chang 3 na a “Na unaute tanute lak ah hiam, I chite tengteng lakah hiam numei om hetlou uh ahi ahia, Philistiate zeksum louhte laka ji ding na vazon maimah?” chi a Samson nulepa ten hehkawm leh lungsim buaitak a a dot lai ua kampau dingdan te uh thei mahmah hi.

Tu a amah tuh inn sung a eite lak a om hi leh, Samson thil ngen mah bang in “hon pisak mai un; ka deih mahmah hi” chi in iza ding uhi. “Timnah khua a numei” chih in Samson nu-le-pa te hehna leh a deihsaklouhna te uh uangsak ahih chih atheih chiang in Samson in a deihna lian deuh deuh in phubalak leh hihsiatna ding lunggel in nawmvalh ta hi. (Vaihawmte 14:12-15:6).

Samson toh kumtampi kithuah mah bang in, Timnah khua a numeinnu ziak a thilhongtung dingte nawlkhin a Gaza mun a kizuakte laka va khosa a, khonung a Delilah in a hatna- thuguk teng phawlhkhe ding khop a thuzohthei ahih lam theilo a ana kheltat dante ka lungsim ah lang dun dun hi. Samson nu in Pathian theilou numei bangzahta ana tuak kha in, bangzahta lungkhamna leh buaina ana tuah I theihpih louh ana om kha moh di hia?

Nu khat hihna ah, tate lohchinna, pathianmitna te tuh eimah ziak ahi I chi ut chiat uhi. Mitampiten a lohchinna uleh alohsapnate uh mimal lak lua in – thil hongpiang peuh mah eimah thil hih hiam, gente ziak hiam ihi sak nak uhi.

Samson a pan a zillai poimohtak I zil tuh Naupangte tuh amasapen in Pathian tate, hiai khovel a Amah ading leh Ama deihbang bawl ding a leitung a koih ahi uhi. Ei a ahi kei ahi! Thupina te Amah a ding ahi a-eite ading hilo. Amah hun sung in - eite hun sung hilo.

Samson tangthu tamveipi I zak nung in nulmangtheihlouh ding khop in hon lunglut sak zou a, laidalte ah hilhchetna dan in “Anu-le-pa ten Philistiante douna ding hun lemtang zonga, hiaibang lunggulh na(utna) Toupa’n apiak ahi ichih a thei kei uhi.” (Vaihawmte 14:4) I gelh sek uhi. Huai tuh a dik mah ahi. Anu’n hiai Pathian theilou numei, atapa a ding a a nget, a insung a khat ding a pom ding tuh Pathian in Israel te Philistiante khut apan pikhiak na dinga a thilguan ahih dan theilou mah ahi.

Lungsim gim taka a omlai in, Pathian in amah kia apil, thil teng kipatna, hun te leh thuakzohlouh ding khop hunhaksa te a thuakzou taka ana pi touh nate tungtawn in sinsak hi. A tapa zineih ginat-louh, sepna apan khawlsak, bat-a-dim, kitenna omlou a naungek piang, bitna ding buai pih, a lauhuai guihtheih leh tan-inn te leh rehabte a omna te tuh Pathian khut a om ahi.

Samson tuh thununlouh asuak ta; himahleh Pathian in Ami telte a ding’a athilgel te hih buchin na in zang hi. Ta gilo ten Pathian nna sem sek uh ahi I chihna ahi kei hi. Ta ten khelhna lam a deihtelna ahonneih khakte uh Pathian in a mah deihdan leh A nasep hihbuchinna in zang thei ahi I chih nopna ahi zaw hi. Huaiteng ban ah, taten deihtelna ahoihloulam ahon neih chiang un I lungkhampih kei ding chih na leng ahi sam kei hi. Huai bang hun chiang a leng lungkia/lunglel in I om mawk kei ding chi ut ihi zaw. Samson nu toh kithuah a kikumkhawm thei hi le, atapa Samson thuhilhna ding toh kisai kamkhatbek gen lo in a puanbuk I nuse kei ding hi.