Light House |
Tuesday, 29 May 2012 17:29 |
S Thang Lien |
Hits: 852
Bible Changteel : 1Samuel 15:1-28
THULU:
A. Mi khat in, “Bible sung a gen a om mite I ngaih tuah chiah, liimlang a ki-en mah I bang hi. I zuih zoh louhna te I theihthak thak nate in I migitlohnate hon lang sak hi.” Ana chi hi.
1. 1 Corinthians 10:11 “Huan, huaite tuh vaukholhna dingin a tunguah a hongtung hi; eite, hun tawp hongtunnate, honthuhilhna ding aleng gelh ahi uhi”.
2. Bible sung a mi ki gente I ngaihsut chiang in, thildang tehpih vual om lou khop in thutak hihlat in om hi. Amaute hinkhua a zat’a om I muh chiang in eite ading in thutak paidan (principles of truth) theih awlsam sak mahmah hi.
3. Hiaite lungtang a nei kawm in, Kumpi David hinkhua apan I zil ding uhi – Bible sung pumpi ah midangte sang sang in David thu toh kisai gelh khak tampen hi.
B. David toh kisai kenkhatte.
1. Laisiangthou sung pumpi ah David’s min 1034 vei genkhak in om hi. Bu 28 in amah toh kisai gen kha a,(Bu 66te ah 42% tan pha zou hi).
a. Bung 66te ah David tanchin gen in om hi.
b. Abraham & Joseph toh kisai bung 14 sung ah kigen tuak hi.
2. David tanchin tampi vei mahmah genkhaka om ahih man in, a chang chang a genkhak lel ding in pammaih lua hi.
a. David hinkhua apan thil tampi zil ding om hi.
b. Khovel a adam sung in, David tuh 1.Belampu, 2.Music siam, 3. La gelh siam, 4. Lavui gelhsiam (poet), 5.Galhat, 6. Kumpi Saul huangsung ah Sila, 7. Mi taimangpa (fugitive), 8. Kumpi, 9. Mi siangthou, 10. Mi khial, 11. Mi iitpa(lover), 12.Angkawmpa, 13. Pa, 14.Thaunelh (Messiah) toh kibang, 15. Zawlnei, 16. Azi Pasal, 17. Mi lawhching, leh 18. Mi lawhsam, ana hi.
c. Hiai bang theihna te nei kawm in David in ahinkhua ah -eite bang mah in – haksat na ana tuah veve hi.
3. David, belamchingtu (tuailai),milian Goliath thattu ana himahleh, sa’a utna nang zou lou in puuk hi.
a. Amah, kumpi melma asang asang a thattu hi a – huai lak ah mi (Uria) mohnabei that’a, a zi gaih sak tu pa ahi.
b. David hinkhua lawhchinna kia ahi kei hi – lawhsap na leng tuak kha tham a, ahih hang in, ahihnkhua teng Pathian thupina in zang hi.
c. Huai bangchi dan in ahi dia? Kisik pah pah mihing ahih ziak in (eg.Ps.51)
GENKHAWM DINGTE:
A. ABUL AH PANNI
1. Kumpi David laltutphah ah BC 1013 in tu pan hi.
a. “United Kingdom” a Kumpi poimoh thum te lak a a lai pen ahi.
b. Huaite tuh Saul – David – Solomon ahi uh.
2. David’s tangthu pen apa Jessi belam: tungtawn in, lak apan, gimte apan leh hamte ging lak apan hong kipan petmah hi.
a. David tanchin ahihleh Psalm 78:70-72 apan gen pat in om hi.
b. Ahihhang in atamzaw I theih ut leh hiai masang peh a thil omte I et angai hi. Pathian in David asap na I theih na ding in, kum 40 masang te I va et nawn angai a, huaituh Kumpi Sual, Israelte kumpi ding a sap a aom ma ahi.
B. KUMPI DAVID AHONG HIHDAN
1. Israel ten kumpi anei masang un, Pathian apan naak tak in niamkiak uhi.
a. Vaihawm (judges), Israel te pitu ten kum 300 sung khawng ma api nung un si vek ta uhi.
b. Eli, (Pathian kihta), in kum bangtan hiam SIampua asep nung in sinawn a, a tapa 2 ten ana lentou mahle uh chin lou uhi.
c. Laisiangthou ah imu hi – 1 Samuel 2:12.
d. Eli, pathianmi mah mah hinapi in, a tate ginna hilh khalo in, pesawn kha lou hi. Tu hun a bang imu a?
e. Eli tapate guta ahi ua, mi nunsia, leh mipite pathian biakna hihbuah saktu ahi uhi – huaiziak in, Pathian in Hophni leh Phinehas sih na tungsak hi.
2. Naupang khat Eli in asin sak – Samuel tuh vaihawm in hong pang hi.
a. Dahhuaitak in, Samuel in Eli khelhna bang hon hihkha nawn leu leu hi – 1 Samuel 8:1-3
b. “Saptuam pen khang khat kan gin om in omzou lou hi” chih gen in omsek hi – Ginna, I tate uh kiang a ipiak sawn kei u leh huaite dik tou tou ding mah ahi.
3. Hichi bang niamkiak hunlai in Israel ten Pathian kiang ah Kumpi hong ngen uhi.
a. 1 Samuel 8:5.
b. Samuel in hiathu ah ana kham hi – 1 Samuel 8:18-20 – khonung in hiaite mah in amute hon hihbuai hi.
4. 1 Samuel theihsiam na ding a theihtuak khen khat tuh Sual leh David kal’a et tuahna ahi.
a. Saul, mippite deih teel ahih dan I mu a, Kum 40 nung in Pathian deihna in David guan in hong om nawn hi.
b. Pathian deihna leh Nangmah deih na koi hoihzaw ding hiam chih na theih utleh – Saul leh David te sepsuah te ah en le chin.
5. Saul hinkhua a thil khat I en di uh, huai in a heutu hihna khak tan a David teel a aom na ziak ahi. David a ding in kalbi hon doh sak hi.
6. 1 Samuel 15:1-3, 9
a. 1 Samuel 15:10-15
1) Saul in, “TOUPA thupiak bang in kahihta achi a (v13): – Hihmah hia?
2) Mipite ngoh mawk hi. ( Tualai in leng mipite ngohna om veve).
b. Pathian toh kisai Saul in agen na mu uhia? Pathian tuh “Toupa na Pathian…(v15)” achi hi. Saul in Pathian toh kizopna nei lou uhi.
7. Samuel in Saul kiang ah akimkhat thuman Pathian in pomlou ahih dan gen hi.
a. 1 Samuel 15:17-19
b. Saul in a suanlam te mah suanlam lai hi– 1 Samuel 15 20-21.
8. Saul in Amelek mite that vek lou ahih dan Pathian in thei mah mah hi.
a. 1 Samuel 15:22-23
b. Pathian I thuman na uh deih hi – Biakna kia hilo!
c. Lungsim kimkhat a thuman na pen Khelhna ahi.
9. Pathian in lungsim kimkhat a thumanna hua ahi – 1 Samuel 15:26.
a. Saul in kisik dan ching a, himah leh chin zou lou hi, vaigei law ta – 1 Samuel 15:27-28.
b. Sual thuman louhn ziak in David tuh Pathian deihna toh Kumpi ding in tel in om hi.
THUKHITNA:
A. Kumpi David a isinlai lak ut ahih leh.
1. Pathian in eite pan bang a adeih?
2. Pathian kipaksak na ding in bang hih akul a?
C. Pathian in eite lak a bang adeih chih Saul leh David kikal apan muhtheih hi.
1. Anih un khial tuak mah uhi.
2. Ahih hang in Khat Pai a, khat pawm hi. –Bangziak in?
3. David sihnung in a tungtang ah Pathian in hichi in nan gen hi – 1 Kumpite 14:7-8. (simin)
a. David mi buching ahi kei hi.
b. Himahleh nungtang hoih leh ngaihtuahna dik nei mi ahi.
c. Thildangteng teng sang in, David in, thilhoih/dik hi haut hi-himahleh ahih zou den sam kei hi, aziak tuh nang le kei mah bang a hatlouhna nei mi ahih ziak in.
D. Mihing te lak ah Pathian bang a lam-et? Bang in ahia amah akipaksak sek?
1. Mihingten, Pathian, alungtang teng teng a aiit ding A lam-en ahi.
2. Pathian in A kiang a kipumpiak ding mi ahi a zon-Huaibang mi nahi kha hiam?
YOU NEED TO LOGIN TO COMMENT | COMMENT NA PIAK NOP LEH NA LOGIN NGAI DING
