Gay Maw! Lesbian Maw! Trans Maw! Homo Maw!

GAY MAW! LESBIAN MAW! TRANS MAW! HOMO MAW!!
By Vungzamuan Valte

vungzamuan valte new

Neunou gam de; chih dia hoih khovel a mihingte gamtatdan gen ding tamtak om ding hi. Asung ua kamkei kual ichi hia, a mihinna uleh a mihinzia uh a pawlang a kilang khe maimai lou leh, a hihna tak uh theihkhiak butlouh khawng leng om mahtham dan ahi uhi. Sunchiang a agial uh tuam a zanchiang a agial uh tuam chihtheih phialphial ding ki-om hamtang hihtuak mahmah mai hi. Mihingte hinkhua leh mihingte taksa tungah mel-le-puam hitaleh, nu/female hiam pa/male hiam hihna te'n thugen mahmah mai ua, naupang ahong pian tungin anu hia apa, pasal hia numei, ichi souhsouh zel uhi. Hiai pianken apat Siamtu'n ihihna ding dinmun ahon piaksa apa/anu hitaleh, zahmoh kichi in khentel ngal mai hi. Numei a piang khia pasal ichi teitei kei a, pasal a piangkhia numei ichi teitei kei. Biological thil ahi a, huaibel, nu-le-pate apat goutan ahi ichi uhi, himahleh, nu-le-pa te'n anu hiam apa hiam bawlna dingin thuneihna nei mawkmawk louhial uhi (scientific/medical intervention omlou in). Khenkhatte ngialhouh, ta nei hinazenpi a vulningniang zong omthei veve ua, a mun-le-mual zir ahi a, I morality leh culture in hiaite nasatak mai in control zou hi.
Huchia Pathian thil thawnpiak ichihte nasan zong, bang hongchi khankhiak ding ua, bangchibang mihing hong hiding uhiam chih theiloute ihihna uah, ei hihtheih om sunsunte bel, pasalte pasal dan a chei, numeite numei dan a etkol leh kep ahi mai hi. Huchi in a numei zaw nanana chu ahong numei suak hiaihiai ua, sam hawisau ding a lunggulh ua, kizepna lam hileh, paukam hileh, sep-le-bawl lam hitaleh ahong piching om pah khetkhat thei uhi. Pasalte bel amau omom in om belbal ua, hong hipah gemgam deuhse ua, a pasal hihna uh theipah gun mawk uhi. Ahia, naupang a neulai un numei tamzaw toh kithuah hiam, lawmbawl hiam, a ute uh numei ngenta chihdante kha bangtanhiam in numei te'n influence zou mahmah ua, numei khedap khawng kaikai peih ua, nik khawng teng doldol thei uhi. A tuai hipah khollou ua, awl awl a nurture leh lamkaih poimoh diak uhi, numei kisa maimah thei ahihna uah. I khankhiakna innsung leh environment inleng influence sautak nei a, singtang ah nute nungjui a diangdiangte ngialhouh a hinkhua uh tuam deuh lou theilou hi, naute enkol a puapua mai, inn phiatphiat mai, tui tawitawi mai, puan sawpsawp mai, sing puapua mai, hiaite alou theilou thil ahihna ah, i khosakna innsung kibanglou hiven, huchia numei sepding teng khangnou in ahon sepsep chiangin a lawmte numei ngen hihamtang ua, hong hideuh serhserh lou theilou hi. Genetic ziak ahih kei ngal leh a pasalna awlin hong kilangkhe pah thoudan ahi hi.
Tulai a India gampumpi'n a buaipih bang ahia? LGBT kichi hilou maw?

LESBIAN GAY BISEXUAL TRANS GENDER kichi hi.

Lesbian ichih chiangin numei khat in pasalte sang a numeite mah enlah, numei dang ngaizawng, deihthoh, kitenpih dia enlah chihna dan ahi hi. Gay ichih leuleu chiangin pasal pitou khat in Numei enlah mahmah lou a pasal pitou dangkhat va melhmelh se, va hethet se, va lenlen se, va kawikawi se, ngaizawng zawmah in kitenpih uthial thokte chihna ahi hi. Bisexual ichih chiangin numei lah ngai in pasal lah ngai ing chia kuikunguk theite chihna ahi a, bak bangmai a alang alang beltheite chihna ahi hi. Transgender ichih chiangin pasal hizenpi (zangkhai), lah numei ding kisa a numei omdan a om mawkmawkte, numei hinazenpi a pasal kisa in pasal omdan a om fufute genna ahi hi.
Pathian in leitung a mihingte ahon bawlsan hi a i kisinsakna uh, kichikhah ding leh khangsawn bawl ding a ahon Ordained te ihi ichi uhi. Numei leh pasal kiteng a, omkhawm a, sungkuan bawlkhia a, huchia society bawlkia in, huchia civilization bawlkhiak theih phet ahi hi. Hitamahleh, huchia mihingte numei leh pasal, pasal leh numei (opposite sexes) kingaituah a sihtanpha a kitul ding a thuchiam neite himahle hang, lamdangtak in genetic ziak hiam, environmental influence ziak hiam in aberrations namenlou ahong omkhia a, abnormal behavior kichi hi. Hiaidan ahong piankhiakna bel khuak tungtawn a TESTOSTERONE kichi pasalte chiltang apat kibawlkhiate ziak khawng a hong kipankhia ahi deuhpen a, pasal hihna tuinak (hormone) ichithei ding e, numei in hiai enzyme chikhat hormone pen a taksa ah tampi paai mawk lehbel pasal khosak in khosa mawk ding a, pasal in hormone a poimoh zah paai keileh bel a hinkhua nuu mahmah dendun maithei hi. Hiaite pen Hormonal imbalance ziak khawng ahi tangpi a, medical intervention a bawldik theih leng aom hi, steroids kichi zang tangpi uhi. Bengali numei khat athletics ah hat mahmah futfut a pasalte gamtat danin gamtang (numei ngaizawng khawng nei) mawk hi, a hormone a test chiangun pasalte neih-zah nei mawk a, numei zahmoh nei lah hingal, buaipih mahmah mai uhi. A piantung apat pasalte chiltang dandeuh a zahmoh sunga kikualgu om ahi chi ua, pasal danin pomkip top mai uhi (numeite kitaitehna ah telsak nawnlou uhi).

Homosexuality chi in kikou kheukhou ua, Supreme Court in legalise ahi chizenpeuh uhi. Hiai word pen Greek pau HOMO (same/kibang) apat kilakhia ahi a, tulai in GAY chi ua, Gay kichi France work GHAI apat kilakhia ahi a free, carefree chihna dan ahi chi uhi. Tuchiangin bel GAY pen GOOD AS YOU chihna ahi chileuleu ua, abnormal hilou in Normal ahi chi uhi. India ah nidanglai in homosexual omdan ahihtuak ua, Arthashastra, Kamasutra, Konark Temple, Mahabharat, Ramayan khawng ah a sulnung uh muhding omdan ahi hi. Greek misiam Pluto leh Aristotle te bangin leng hiaithu lamdangtak in B.C. hunlai pekin society in pom ding ahihleh hihlouh thu genkha uhi. Babulon kumpi leh Aigupta kumpite hunlai nasan in hiaidan hinkhua zang om ahi ding ua, hankhuk a muhkhiak omdan in gen uhi. Khovel pumpi a sahkhua om te'n SODOMY chi ua chindan kihhuai tawpkhawk leh demhuai ahihdan genmangmoh hial uhi. Bible nasan ah, muntampi ah tuangkha a mihingte omtung apat hiaidan a hinkhua zang om ahihdan uh kimu thei hi. France leh Spain te America a aluttung lai un American Aboriginals te'n hiaidan hinkhua nei om ahihdan uh mukhia ua, huhamtak in subei uhi.

EUNUCH kichi nidanglai kumpi te'n pasal numei chei in chei ua, a chil uh gehsak ua, guard muanhuai, dingin zang tangpi uhi. A court khawng uah entertainment bawltu dingin zang ua, lam sak surhsurh sek uhi. A zite uh kemtu dingin muang mahmah mai ua, hahzat mahmah mai uhi. Mihingte i piantung apat gehsa a piang bang leng om hihtuak a (ZAW/Chiing), huchidante a zatna thei mahmah zel uhi, China kumpite nasan in a khangthu chiamtehna uah (Eunuch ageh leh gehlouh) hiaite poimohtak a zang ahihdan uh kigen kha hi. Tunitan in India ah Ram Lila khong ahih chiangun pasal pitou numei chei in kichei ua, laam surhsurh sek naknak uhi. India ah Eunuch kichi community khat (third gender) om leuleu ua, huaite bel HIJRA te kichi hi, pasal zahmoh toh piang lah, numeite hinkhua zang a khosate ahi ua, khenkhatte'n bel a pasal hihna uh lakhia uhi. Tuchiang in bel, Hijra kichite government of India in Third Gender danin pomkipta a, nelhsiahna leh bawlsiatnate tawm deuhta dingin lamethuai hi.

Homosexuality kichi India ah Macauley in Indian Penal Code 1860 a ahon puakhiak apat crime (dan bohsia) dan a koih ahi a, himahleh, tunitan in hiai numei leh numei, pasal leh pasal kingaite tungtawn a gawtna piak aom lam kithei lou hial hi. Tuadan ahihleh, criminal offence ahihna apat lakkhiak in thupilua gen khollou ding bang maimah hi. Society in apom keileh, sahkhua tuamtuam te'n apom kei uleh, buaihuai veve ding hi. Bangteng hileh, individual privacy leh individual rights kichi toh collective conscience, societal value systems, morality lam toh kisai a traditional moral keeper te toh kitauhtuah neknek dingdan uh ahong suak hi, Indian Society ichih pen conservative leh traditional mahmah ahihna ah. Hiai Article 377 deihlou a tangkou masa bel laibu khat “LESS THAN GAY” kichi 1991 a suakkhia apat ahong uang diak mahmah a, 2001 in Lucknow khopi ah pasal tampi police te'n man tektuk ua, condom leh bangbang hiam tampitak matsak uhi. Hiai incident in nasatak in homo te movement hatsak a, HIV lam dalna toh kisai a nasemtu te'n leng awareness uangtak mai in bawl sumzom uhi, Tihar jail incident i theikha ding ua, Kiran Bedi hunin Jail sungah condom hawm a awareness bawl sawm ua, phalna pelou hi (jail sungah sodomy om ahi chih pom theih salou ahihchu).

Hiai Homosexual movement pen Hippies te hun apat hong kipan ahi hia chihpen kuaman sui taktak kei mahle uh, a tangpithu in drug toh kizawitawn sim ahi diah aw chi-utdan ka hi. Aizawl ah ka omlai un ka inkhang uah numei 2 kiteng kichi ua, innluah in hong khosa mawk uhi. 1995 kum ahia, khamtheih kham nak-thei mahmah mai ua, kisamlai kisamlai mai uhi, sawt kiteng hetlou dan ahi uhi. Nidang deuhlai in Lamka leh mundang dang ah Patil kichi numei pasal dan a om kimukha sek a, paa thei thrakthrak tak ahi uh. Himahleh, hun ahong paizel a hinkhua pangngai zangin pasal nei, ta nei, suangkuan nei a om thei bang leng aom veve uhi. Khenkhatte bel, khamtheih a koltang a mangthang aom sam uhi. Pasal khat tuai deuhmai aom a, naichik a ka muhkhak ahihziak in a omdan tuam mahmah mai hi, himahleh hun ahongpai zel a ahinkhua ahong kikhek a, zi-le-ta nei in khosa veve hi.

Behavioural abnormality chihdan gingta tinten pawl aom ua, genetic ahi chipawl toh, envoironmental influence ahi chi toh, ngaihdan leh muhdan a kibang kei lemlum khopmai. Khekhatte bel vangtahna ziak hiam a migilou saloute bawl gentheihna ziaka hiai chindan hoihlou tawkaw-hukna nei bang aom ua, lawmhoihlou neihkhak ziaka hiai chihdan kilawmlou zonsang kha zong omding uhi. Khenkhatte leuleu, ki modern sak lawtel in, huchidan chingzongsang mite' omkhawmna khong a va kibualkha, leh jail a migilou saloute ziaka huchidan hinkhua va mukha a zongsang chihleng omding hi. Misiamte'n leng psychiatric problem ahi achi ua, tamtakte bel counseling tungtawn in damask thei uhi. Nu-le-pa te'n accept theilou ahihna uah, khenkhatte bel nupi/pasal force in neisak ua, hinkhua hoihtak (mihingte om dingdan) in sungkuante toh khosa thei leng om uhi. Ka gintakdan in, ahuntak a theikhia hile, chiltheih mahmah dingin ka gingta. Naupang pasal puan kaikai, nik teng doldol, sam tan utlou, leh numei lipstick pakta tampite numei pilvang inchu a thuzoh siam un, a hinkhua uh a peilamdang zou mahmah uhi. Tate toh kikar a gap lianpi aom chiangin, a hinkhua uleh a gamtatdan uh kitheibun louhial a, huchia mental inclination diklou leh damlouhna neite, clinical assistance tanpha, counseling lam leh, Saptuam heutute toh panlak a thawidam theih hiding in um tinten ing.
Piantung apat piang vangsia, nu-le-pate leng vangsia chihdan a ikoih lebel, a utdan dan un omsak le, zawng khawng ava enlah kha mai duam maw? Individual Right ichihte collective conscience leh social conformity, public good sangin a tungnung tuan khol dia hia??

Sexual Orientation kichi pen, monster khat danin koih le, huaipen i taksa sung a om, i khuaksung a kualgu ahihna ah, naupang khawng toilet sung ah kulkhum in, zep zial le huai monster i thuzoh mai kei di maw! Medical leh Clinical intervention poimoh ahitak leh, sex change leng omthei lai ahi achi uh !!